O‘zbekiston zamini /2019 Tahrir hayʼati

 
Kirish.
Yerdan foydalanishning ko‘p 
maqsadli xarakterda bo‘lishi yer resurslaridan 
foydalanishning tabiiy, xo‘jalik va huquqiy 
holatini harakterlovchi turli-tuman va sifatli 
axborotlarga nisbatan ko‘pgina talablarni taqozo 
etadi. Yer axboroti yerdan oqilona va samarali 
foydalanishni tashkil etish uchun zarur va u yer 
resurslaridan foydalanishni boshqarishning eng 
muhim sharti hisoblanadi.
Yer axborotlarining eng muhim 
iste’molchilari davlat hokimiyati organlari, soliq 
xizmati, ishlab chiqarish va savdo obyektlarini 
va xizmat ko‘rsatish sohalari obyektlarini davlat 
tasarrufidan chiqarish va xususiylashtirish, 
ko‘chmas mulk bozori, ipoteka instituti, 
sug‘urta agentligi, ko‘plab yuridik va jismoniy 
shaxslardir.
Axborotni keng ko‘lamda tizimga solish, 
uni saqlash, yangilash, izlash va qiziquvchi 
foydalanuvchilarga tezkor topib berish - bu 
jarayonlarni avtomatlashtirishni, komputer 
texnologiyalariga asoslangan zamonaviy yer 
axborot tizimlarini yaratishni talab qiladi. 
O‘zbekiston 
Respublikasi 
Prezidentining
2020-yil 7-sentabrdagi PF-6061-sonli “Yer hisobi 
va davlat kadastlarini yuritish tizimini tubdan 
takomillashtirish chora-tadbirlari to‘g‘risida” gi 
farmoni aynan yuqoridagilardan kelib chiqib, 
2021-yil 1-yanvardan boshlab yer axborot tizimi 
onlayn portalda yuritilishi belgilab berildi.
Yer axborot tizimi deganda mamlakat 
yer resurslarining holati, undan foydalanish va 
muhofaza qilish haqidagi ma’lumotlar tizimini 
tushunish kerak. Faqat tartibli yondashishgina 
jamiyat faoliyatining turli sohalarida va xalq 
xo‘jaligining tarmoqlarida yerning miqdoriy 
va sifatiy xarakteristikalarini yetarlicha 
to‘liq, batafsil, aniq va obyektiv ravishda 
o‘rganishga imkon beradi. 2021-yil 1-yanvar 
holatiga ko‘ra O‘zbekiston Respublikasidagi 
jami foydalaniladigan yerlarning - umumiy 
maydoni 44892,4 ming ga, shundan ekin yerlar