Oʼzbekiston xalqaro islom akademiyasi Islomshunoslik fakulteti Dinshunoslik va jahon dinlarini qiyosiy oʼrganish Yunesko kafedrasi

O’zbekiston Respublikasi mustaqillikka erishgach, o’ziga xos bo’lgan taraqqiyot yo’lini bosib o’tmoqda va bugungi kunda jamiyat ma’naviyatini yuksaltirish muhim vazifalardan biri ekanligi ta’kidlanmoqda. «Odam baxtliman deyishga qanchalik haqqi bor? Agar oilang bilan sen baxtli bo‘lsang, baxtliman deyishga haqqing bor. Faqat oilam emas, xalqim baxtli bo‘lsa men o‘zimni baxtli deb bilaman», — deya ta’kidladi prezidentimiz Shavkat Mirziyoyev.

Oilaning muqaddasligi, jamiyatlarning asosiy bo’g’inlaridan biri ekanligini turli diniy manbaalarda ham ko’rishimiz mumkin.Bunga misol Qur’oni karimning  Niso surasidan ikki oyat va ularning tafsiri bilan tanishish kifoyadir.

«Erkaklar xotinlar ustidan (oila boshlig‘i sifatida doimiy) qoim turuvchilardir. Sabab – Alloh ularning ayrimlarini (erkaklarni) ayrimlaridan (ayollardan ba'zi xususiyatlarda) ortiq qilgani va (erkaklar o‘z oilasiga) o‘z mol-mulkidan sarf qilib turishlaridir. (Ayollar ichida) solihalari – (Allohga va eriga) itoatli, g‘oyibga Alloh saqlaganicha himoyatlilardir (ya'ni erining sirini, molini va obro‘sini saqlovchidir). Xotinlarning itoatsizligidan qo‘rqsangiz, avvalo ularga nasihat qiling, so‘ngra (bu ta'sir qilmasa) ularni o‘rinlarda (aloqasiz) tark eting, so‘ngra (bu ham kor qilmasa) ularni (majruh bo‘lmagudek darajada) uring. Ammo sizga itoat qilsalar, ularga qarshi (boshqacha) yo‘l axtarmang. Albatta, Alloh  oliy, ulug‘ Zotdir» (34-oyat).

«Agar (er-xotinning) oralari buzilib ketishidan qo‘rqsangiz, er oilasidan bir hakam, xotin oilasidan bir hakam yuboring. Agar (er-xotin) islohni xohlasalar, Alloh o‘rtalarini muvofiqlashtirgay. Albatta, Alloh bilimdon, xabardor Zotdir» (35-oyat).

Bandan tashqari Xristianlarni muqaddas kitobi bo’mish Injilda ham oilaning muqaddas ekanligi haqida oyatlardan misollar keltirishimiz mumkin. Injil ning birinchi kitobidan biz oilalar Xudoning yuragiga yaqin ekanligini bilib olamiz. Ibtido kitobida aytilishicha, Xudo insonni yaratganda: "Inson yolg'iz qolishi yaxshi emas", demak, shuning uchun "unga yordamchi" bo'lgan ayolni yaratgan. "Va Xudo ularga baraka berdi, va Xudo ularga dedi: ko'p bo'linglar va ko'payinglar va yerni to'ldiringlar." Ular gunohga botganlaridan keyin ham, Xudo oilalar uchun rejasini davom ettirdi va hatto ayolning urug'idan keladigan najot haqida bashorat qildi. Shu va shunnga o’xshash fikrlarni nafaqat injil balki boshqa barcha dinlarning muqaddas manbaalarida uchratishimiz mumkin.