Oʻzbekiston xalq yozuvchisi Xudoyberdi Toʻxtaboyevning “Sariq devni minib” nomi kitobidan “Sehrli qalpoqcha” asariga

Ikkinchidan, adib romanlarining qahramonlari bolalar boʻladimi, kattalar boʻladimi, kim boʻlishidan qatʼi nazar, ular tasviri, talqini hamisha bolalarga xos nigoh, samimiyat bilan yoʻgʻrilgan. Yozuvchi Shukur Xolmirzayev topib aytgan: “Xudoyberdi akaning tabiatida oʻzi qandaydir moʻjaz, yaxshi maʼnoda bolalik bor”. Ayni mana shu xislat – bolalarcha begʻubor soddalik asarlariga koʻchib oʻtib ularga ajib ruh, samimiyat baxsh etadi. 

Uchinchidan, adib asarlari poetikasi, ifoda tarzi, usullari jihatidan rang-barang; ular orasida sof hayotiy, realistik yoʻnalishdagi romanlarni ham, milliy xalq ogʻzaki ijodi anʼanalari bilan yoʻgʻrilgan xayoliy fantastika, zamonaviy jahon tajribalariga xos shiddatkor detektiv namunalarini ham, tarixiy-biografik sarguzasht turlarini ham uchratish mumkin. Muallifning shunday romanlari ham borki, ularda bir emas, bir necha ifoda tarzi sinteziga duch kelamiz.