O’zbekiston

& III-bob bo’yicha xulosa

Xulosa sifatida shuni aytish mumkinki, Turkiston o’lkasida sovet hukumatiga qarshi qurolli qarshilik harakati qatnashchilariga nisbatan olib borilgan ommaviy qatag’onlik siyosati o‘lkamizning ijtimoiy iqtisodiy hayotini larzaga keltirdi. Ko‘plab ilm fan fidoyilari va xalq vatanparvarlari qatag‘on qurbonlariga aylandilar. Sovet mustabid hukumatining ikkiyuzlamachi siyosatiga ko‘r ko‘rona ishongan ba’zi milliy rahbarlarning fojiali qismati bu fikrni yaqqol tasdiqlaydi. Jumladan, Sovet hokimiyatining o’lkada yuritgan mustamlakachilik, shovinistik va imperiyachilik siyosatiga qarshi kurashgan shaxslardan Nazir To’raqulov, Abdulla Rahimboyev, Turar Risqulov, Fayzulla Xo’jayevlar shular jumlasidan edilar. Bundan tashqari, mustamlakachilikka qarshi kurash ishiga siyosiy partiyalar va tashkilotlar ham o‘zlarining salmoqli hissasini qo‘shgan edilar. Xususan, Sho’royi Islomiya, Ittihodi taraqqiy, Birlik uyushmasi, Milliy istiqlol, Turkiston milliy birligi» kabi tashkilotlar vatanimiz mustaqilligi uchun kurashdailar va O‘zbekiston tarixidan o‘chmas iz qoldirdilar.