«O‘zbekiston temir yo‘llari» aksiyadorlik jamiyati toshkent temir yo‘l muhandislari instituti

Gumbazlar
.  Gumbazlar  tarhdagi  shakli  doira  yoki  ko‟pburchak,  oralig‟i  200  m  gacha 
bo‟lgan  binolar  tomini  yopishda  qo‟llaniladi.  Gumbazlarning  shakli  memoriy,  texnologik  va 
boshqa talablarga muvofiq ravishda tanlanadi. Gumbaz sirti ko‟pincha aylana yoyini vertikal o‟q 
atrofida aylantirish yo‟li bilan hosil qilinadi. Shu yo‟l bilan hosil qilingan gumbaz sferik gumbaz 
deb  ataladi.  Agar  vertikal  o‟q  atrofida  ellips  yoyi  aylantirilsa  –  elleptik  gumbaz,  to‟g‟ri  chiziq 
aylantirilsa –. konussimon gumbaz hosil bo‟ladi va h.k. 

---

228 
 
 
22.9–rasm Yig‟ma gumbazlar; 
1 – quyma tayanch xalqasi; 2 – fonar; 3 – quyma tasma; 4 – yig‟ma plitalar 
Yupqa  devorli  gumbazlarning  balandligi  f  keng  doirada  1/2  D  dan  1/10  D  gacha 
o‟zgarishi  mumkin.  Balandligi  f=(1/3...1/5)  D  bo‟lgan  gumbazlar  eng  tejamli  sanaladi. 
Gumbazning kerki kuchi (raspor)ni qabul qiluvchi tayanch xalqasi tekis zaminda, devorda  yoki 
alohida  ustunlarda  yotishi  mumkin.  Tayanch  xalqasi  quyma  yoki  yig‟ma  bo‟ladi.  Xalqaning 
yoriqbardoshligi  va  bikrligini  oshirish  uchun  uni  oldindan  zo‟riqtiriladi.  Oldindan  kuchlanish 
hosil  qilish  uchun xalqaga perimetr bo‟ylab o‟tamustahkam  B–II sinfli sim o‟raladi va ustidan 
betonlanadi.  Xalqani  sim  arqon  va  sterjenlar  orqali  zo‟riqtirsa  ham  bo‟ladi.  Buning  uchun 
simarqon  yoki  sterjenlar  xalqadagi  o‟yiqlarga  tushirib  taranglanadi,  mahsus  qoldirilgan 
bo‟rtmalarga mahkamlanadi, keyin ustiga torkretlash yo‟li bilan beton qotarhadi. 
Yig‟ma  gumbazlar  egri  chiziqli  meridional  qobirg‟ali  elementlardan  (9,a–rasm)  yoki 
qobirg‟ali  trapesiyasimon  plitalardan  (9,b,v–rasm)  tashkil  topadi.  Yig‟ma  gumbaz  elementlari 
montajini osonlashtirish uchun hovozasiz usuldan foydalaniladi. Bu usulga ko‟ra trapesiyasimon 
plitalarning  har  bir  qatorini  o‟rnatganda  navbatdagi  qator  plitalari  uchun  konsollar  qoldiriladi 
(9,v–rasm).  Ana  shu  maqsadda  trapesiyasimon  pog‟onali  plitalar  qo‟llaniladi.  Bularni  montaj 
qilish tartibi 9,g–rasmda tasvirlangan.