O‘zbekiston tarixi

Zantu – “Avesto” da qabila jamoasi.

Zaratushtra – zardushtiylik dinining bosh islohotchisi. Tarixiy shaxs. Zaratushtraning tug‘ilgan joyi aniq emas. Olimlarning taxminiy faraz qilishlaricha u Turonzamin viloyatlaridan birida, ya’ni Xorazm yoki Sug‘diyonada kohinlar oilasida tug‘ilib o‘sgan. U Spitama urug‘idan bo‘lib, otasining simi Porushasp, onasining ismi Dug‘dova bo‘lgan. Taxminan miloddan avvalgi 630-553 yillarda yashab o‘tgan. Dariy tilida “ushtra”-tuya, “zarat”-keksa sariq tuya ma’nosida. Zaratushtra-tuyachi, tuyachilar avlodidan degan ma’noni bildiradi. Zaratushtra o‘z zamonasining iste’dodli shoiri, ilohiyot bilimdoni, faylasuf olimi bo‘lgan. U yagona xudoga ishonishgina jamiyatni yangi taraqqiyot bosqichiga ko‘tara oladi, deb hisoblar edi. Zaratushtra 40 yoshiga to‘lganda ezgulik xudosi Axuramazda nazariga tushadi va shundan boshlab Axuramazda dinining payg‘ambariga aylanadi.

Zariasp – “Oltin ot”, qadimgi Baqtriya davlatining poytaxti. SHimoliy Afg‘onistonda joylashgan (Balx).