Mustaqillik va ezgulik monumenti - Toshkent shahridagi Mustaqillik maydonida O‘zbekiston Respublikasining Prezidenti I.A.Karimov g‘oyasi bilan bunyod etilgan me’moriy-badiiy majmua. 1992 yilda o‘rnatilgan Mustaqillik monumenti oldiga 2005 yil 28 dekabrda farzandini bag‘riga bosib turgan munis o‘zbek ayoli siymosi - Baxtiyor ona haykali o‘rnatildi (haykaltarosh I.Jabborov).
"Mustaqillik deklaratsiyasi" — O‘zbekiston. Respublikasining Davlat mustaqilligi haqidagi dastlabki huquqiy hujjatlardan biri. "Mustaqillik deklaratsiyasi" 1990 yil 20 iyunda O‘zbekiston Oliy kengashining II sessiyasida qabul qilingan bo‘lib, 12 banddan iborat ushbu tarixiy hujjatda o‘zbek xalqining davlat qurilishi tarixi, tajribasi, har bir millatning o‘z taqdirini o‘zi belgilash huquqi asosida davlat mustaqilligi ilk bor e’lon qilingan edi.
Do'stlaringiz bilan baham: |