O‘zbekiston tarixi

Devorzan – paxsakash, loy va g‘ishtdan devor uruvchi.

Degrez (toj. “deg” – qozon, “rez” – quymoq fe’lining hozirgi zamon o‘zagi) – cho‘yandan qozon quyuvchi usta-xunarmand.

DEYGISH – daryoning o‘z qirg‘og‘ini to‘satdan yuvib ketishi. Bu asosan Amudaryo uchun xos.

DEKRET (lot. decretum – farmon, qaror) – oliy hokimiyat yoki boshqaruv organi chiqargan va qonun kuchiga ega bo‘lgan qaror. Sobiq SSSRda 1936 yilgacha davlat hokimiyati oliy organlarining eng muhim hujjatlari “Dekret” nomi bilan atalgan

Diktatura (lot. diktatura – cheksiz hokimiyat) – hokimiyatni nodemokratik usullar bilan amalga oshirish. Avtoritar siyosiy rejim. SHo‘rolar davrida I.V.Stalin (1924-1953) diktatorlik boshqaruv tartibini o‘rnatgan edi.

ERGA EGALIK – er egalarining tegishli huquq va majburiyatlarini shart qiluvchi yuridik asoslarga muvofiq yuridik yoki jismoniy shaxslar tomonidan belgilangan er maydonini haqiqiy egallash; xo‘jalik muomalasi va bozor mexanizmi bilan birgalikda ishlab chiqarishning muhim vositalaridan biri sifatida erni tasarruf qilish shakli.

YOBU, Jobu – o‘zbek urug‘i. YObular qozoqlar tarkibida ham bo‘lgan. Tarqoq holda Zarafshonning o‘rta va quyi oqimida, Qarshi cho‘lida yashaganlar. CHorvachilik va dehqonchilik bilan shug‘ullanishgan. YObu avlodlari o‘zbek xalqi tarkibiga singib ketganlar.