“Oʻzbekiston tarixi” fanidan

O‘zbekiston Respublikasi davlat mustaqilligining huquqiy asoslari 
«O‘zbekiston Respublikasining Davlat mustaqilligi asoslari
to‘g‘risida»gi 
QONUN
1991 yil 31 avgustda qabul qilingan.
17 moddadan iborat 
O‘zbekiston Respublikasining davlat mustaqilligi to‘g‘risida
OLIY KENGASH BAYONOTI 
1991 yil 31 avgustda qabul qilingan. 
O‘zbekiston Respublikasining Davlat mustaqilligini e’lon qilish to‘g‘risida 
OLIY KENGASH QARORI

---

DAVLAT BAYROG‘I
– davlatning asosiy ramzlaridan biri bo‘lib, uni 
boshqa davlatlardan farqlovchi belgisidir. Davlat bayrog‘i davlat mustaqilligining 
ramzi sifatida davlat rahbari joyida, oliy qonun chiqaruvchi organ, hukumat, davlat 
tashkilotlari, elchixonalar, konsulliklar binolarida, xalqaro qatnovdagi havo va 
dengiz kemalarida va boshqa qonunlarda belgilab qo‘yilgan vaziyatlarda 
ko‘tariladi. 
Davlat bayrog‘i har bir mustaqil xalqning dini, qadriyati, an’anasi va milliy 
ruhiyatidan kelib chiqib yaratiladi. SHuning uchun ham davlat bayrog‘ini haqorat 
qilgan va unga nisbatan hurmatsizlik qilgan shaxs jinoyat qonunchiligiga binoan 
jazoga tortilishi belgilab qo‘yilgan. 
DAVLAT GERBI
– davlatning rasmiy emblemasi bo‘lgan farqlovchi belgisi. 
Bayroq, pul belgilari, muhrlar va ba’zi bir rasmiy hujjatlarda aks ettiriladi. Davlat 
gerbining mazmuni konstitutsiya yoki maxsus qonun bilan belgilanadi. 
SUVERENITET 
(fr. souverainite – oliy hokimiyat) – hokimiyatning 
ustunligi va mustaqilligi. Suverenitetning ikki xil ko‘rinishi farqlanadi. Davlat 
suvereniteti va xalq suvereniteti.
Davlat suvereniteti hozirgi davlatshunoslik fanida davlatning ichki va 
tashqi siyosatidagi to‘la mustaqilligi sifatida talqin etiladi. Xalq suvereniteti 
xalqning davlatni boshqarishdagi to‘la hukmronligi, xalq hokimiyati, xalq 
boshqaruvini anglatadi. 
 

---

O‘zbekiston Respublikasining Konstitutsiyasiga binoan, Davlat gerbi Oliy 
Kengashning 1992 yil 2 iyul kuni bo‘lgan X sessiyasida “O‘zbekiston 
Respublikasining Davlat gerbi to‘g‘risida”gi qonunni qabul qilish bilan 
tasdiqlangan. 
O‘zbekiston Respublikasining Davlat gerbi dumaloq ko‘rinishiga ega bo‘lib, 
uning o‘ng tomoni bug‘doy boshoqlari, so‘l tomoni ochilgan paxta chanoqlari aks 
ettirilgan davlat bayrog‘i bilan o‘ralgan chambardan iborat. Gerbning markaziy 
qismida Humo qushi, uning orqasida tog‘lar, daryolar va serquyosh o‘lkamizning 
manzarasi aks etgan. Gerbning yuqori qismida yarim oyli ozodlik ramzi – sakkiz 
burchakli yulduz tasvirlangan. Gerbning pastki qismida davlat bayrog‘ini 
ifodalovchi uch rangdagi chambar tasmaga “O‘zbekiston” deb yozib qo‘yilgan. 
DAVLAT GIMNI 
(yun. hymnos – madhiya, maqtov ashullasi, tantanali 
qo‘shiq) – Vatanni, davlatni, tarixiy voqealarni, ularning qahramonlarini 
ulug‘lovchi she’riy-musiqiy asar, davlatning ramzlaridan biri. O‘zbekiston 
Respublikasi 
Konstitutsiyasining 
5-moddasiga 
binoan, 
O‘zbekiston 
Respublikasining Davlat madhiyasi uning tasvirlanishi va rasmiy qo‘llanilish 
tartibi qonun bilan belgilanadi. “O‘zbekiston Respublikasining davlat madhiyasi 
to‘g‘risida” gi qonuni 1992 yil 10 dekabrda qabul qilingan.