O‘zbekiston respublikasixalq ta’lim vazirligi sirdaryo viloyat xalq ta’limi xodimlarini qayta tayyorlash va ularning malakasini oshirish hududiy markazi amaliy fanlar va maktabdan tashqari ta’lim metodikasi kafedrasi

Bilishning muhim sharti – prinsiplar (postulotlar), aksiomalardir. Prinsiplar deb biror bir ilm-fan sohasining boshlang`ich holatiga tushuniladi.Ular bilimlarni tizimlashtirishning boshlang`ich shakli hisoblanadi (Evklid geometrisining aksiomalari, kvant mexanikasidagi Bor postulati va h.k.) Ilmiy bilish tizimida ilmiy qonunlar eng muhim tarkibiy zveno hisoblanadi. Ular tabiat, jamiyat va tafakkurdagi eng muhim, turg`un, takrorlanadigan ob’ektiv

ichki bog`lanishlarni aks ettiradi. Odatda qonunlar tushunchalar, kategoriyalarning ma’lum bir munosabatlari shaklida namoyon bo`ladi.Bilishni umumlashtirish va tizimlashtirishning eng yuqori shakli – bu nazariyadir. Nazariya bu mavjud jarayonlarni va hodisalarni bilish va

umumlashtirish ularga turli xil omillar ta’sirini tahlil qilish imkonini beradigan ilmiy printsiplar va usullarni shakllantiradigan umumlashtirilgan tajriba (amaliyot) haqidagi ta’limotga va ularni odamlarning amaliy faoliyatida foydalanish bo`yicha tavsiyalar berishga tushuniladi.

Ilm-fan o`z ichiga tadqiqot usullarini ham oladi. Usul deb – biror bir hodisa yoki jarayonni nazariy tadqiqot qilish yoki amaliy tekshirish uslubiga tushuniladi. Usul – ilm-fanning asosiy vazifasi, borliqning ob’ektiv qonunlarini kashf etishning vositasidir. Usul induksiya va deduksiya, analiz va sintezni qo`llash zaruriyati va o`rnini nazariy va eksperimental tadqiqotlar bilan taqqoslagan holda belgilaydi.