Oʻzbekiston respublikasining soliq kodeksi (Yangi tahriri) Oʻzbekiston Respublikasining

70-BOB. ADVOKATLAR HAYʼATLARIGA, ADVOKATLIK 
FIRMALARIGA, ADVOKATLIK BYUROLARIGA VA 
ADVOKATLARGA SOLIQ SOLISHNING OʻZIGA 
XOS XUSUSIYATLARI 
477-modda. Advokatlarga soliq solish 
478-modda. Advokatlar daromadlariga soliq solish 
477-modda. Advokatlarga soliq solish 
(1-q.)
Advokatlar hayʼati, advokatlik firmalari va advokatlik byurolari faoliyatning notijorat 
tashkilotlar sifatida advokatlar tomonidan huquqiy yordam koʻrsatish bilan bogʻliq qismi boʻyicha 
soliqlar va yigʻimlar toʻlashdan ozod qilinadi, bundan quyidagilar mustasno: 
bojxona toʻlovlari; 
ijtimoiy soliq; 
OʻzR 29.12.2021-y. OʻRQ-741-son
Qonuniga 
muvofiq toʻrtinchi xatboshi chiqarib 
tashlangan 
avtotransport yigʻimi; 
OʻzR 29.12.2021-y. OʻRQ-741-son Qonuniga muvofiq beshinchi xatboshisi toʻrtinchi 
xatboshi deb hisoblansin 
toʻlov manbaida ushlab qolinadigan soliqlar. 
(2-q.)
Advokatlar hayʼati, advokatlik firmalari va advokatlik byurolari tomonidan 
tadbirkorlik faoliyati amalga oshirilganda (yuridik yordam koʻrsatish bilan bogʻliq boʻlmagan) 
soliqlar va yigʻimlar tadbirkorlik faoliyatini amalga oshiruvchi yuridik shaxslar uchun ushbu 
Kodeksda nazarda tutilgan tartibda toʻlanadi. 
478-modda. Advokatlar daromadlariga soliq solish 
(1-q.)
Advokatlar tomonidan yuridik yordam koʻrsatganlik uchun olinadigan gonorarlar 
summalariga ushbu moddada nazarda tutilgan xususiyatlar hisobga olingan holda, mazkur 
Kodeksning XIII boʻlimida belgilangan tartibda jismoniy shaxslardan olinadigan daromad soligʻi 
solinadi.

---

(2-q.)
Advokatning daromadlari jismoniy shaxslardan olinadigan daromad soligʻi solish 
obyektidir. 
(3-q.)
Advokatning daromadi advokat tomonidan yuridik yordam koʻrsatilganligi uchun 
olingan summa bilan advokatlar hayʼatlarini, advokatlik firmalarini va advokatlik byurolarini 
saqlab turish uchun oʻtkaziladigan mablagʻlar summasi oʻrtasidagi farq sifatida aniqlanadi. 
(4-q.)
Soliq bazasi advokatning daromadidan uning daromadida hisobga olinadigan ijtimoiy 
toʻlov chegirib tashlangan holda aniqlanadi.