Oʻzbekiston respublikasining soliq kodeksi (Yangi tahriri) Oʻzbekiston Respublikasining

399-modda. Rezidentlar tomonidan Oʻzbekiston 
Respublikasi hududidan tashqarida toʻlangan 
soliqni hisobga olish 
(1-q.)
Oʻzbekiston Respublikasidan tashqarida toʻlangan, Oʻzbekiston Respublikasining 
rezidenti boʻlgan jismoniy shaxslardan olinadigan daromad soligʻi summalari Oʻzbekiston 
Respublikasida soliq toʻlashda ushbu Kodeksning 342-moddasida nazarda tutilgan tartibda 
hisobga olinadi. 

---

(2-q.)
Soliqni hisobga olish soliq davri yakuni boʻyicha jismoniy shaxs tomonidan taqdim 
etilgan jami yillik daromad toʻgʻrisidagi deklaratsiya asosida amalga oshiriladi. 
400-modda. Oʻzbekiston Respublikasi norezidentlarining 
daromadlariga soliq solishning oʻziga xos xususiyatlari 
(1-q.)
Oʻzbekiston Respublikasining norezidenti boʻlgan jismoniy shaxslarning 
daromadlariga soliq solish toʻlov manbaida toʻlovlar Oʻzbekiston Respublikasining ichkarisida 
yoki tashqarisida qilinganligidan qatʼi nazar amalga oshiriladi.
(2-q.)
Oʻzbekiston Respublikasining norezidenti boʻlgan jismoniy shaxslarning 
daromadlariga Oʻzbekiston Respublikasining xalqaro shartnomalarini hisobga olgan holda soliq 
solinadi, bundan soliqni undirish oʻzarolik prinsipi boʻyicha tugatilishi yoki cheklanishi mumkin 
boʻlgan hollar mustasno. 
(3-q.)
Oʻzbekiston Respublikasining norezidenti boʻlgan jismoniy shaxsga daromadlarni 
toʻlash toʻlov manbaida soliqni ushlab qolmasdan yoki ushbu Kodeksning 6-moddasiga muvofiq 
ikkiyoqlama soliq solishga yoʻl qoʻymaslik masalalarini tartibga soluvchi Oʻzbekiston 
Respublikasining xalqaro shartnomasi qoidalariga va xalqaro shartnomalar boʻyicha soliqlarni 
toʻlashdan boʻyin tovlashning oldini olishga doir maxsus qoidalarga muvofiq pasaytirilgan 
stavkani qoʻllagan holda amalga oshiriladi. 
(4-q.)
Soliq summasi ushlab qolinmaganligi yoki Oʻzbekiston Respublikasi xalqaro 
shartnomasining qoidalari gʻayriqonuniy tarzda qoʻllanilishi mazkur soliq ushlab qolinmasligiga 
yoki toʻliq ushlab qolinmasligiga sabab boʻlgan taqdirda, Kodeksning ushbu boʻlimiga muvofiq 
soliq agenti deb eʼtirof etilgan shaxslar tomonidan ushlab qolinmagan soliq summasini va u bilan 
bogʻliq penya summasini qonunchilikka muvofiq budjetga kiritilishi shart. 
(OʻzR 21.04.2021-y. 
OʻRQ-683-son Qonuni tahriridagi qism) 
(5-q.)
Ushbu Kodeksning qoidalariga muvofiq soliq agenti tomonidan Oʻzbekiston 
Respublikasining norezidenti daromadlaridan hisoblab chiqarilgan soliq summasi undan 
ushlanmasdan oʻz mablagʻlari hisobidan toʻlanganda, soliq agentining soliqni toʻlov manbaidan 
ushlab qolish va koʻchirib berish majburiyati bajarilgan hisoblanadi.