Oʻzbekiston respublikasining soliq kodeksi (Yangi tahriri) Oʻzbekiston Respublikasining

401-modda. Norezidentning daromadlaridan ushlab 
qolingan soliqni qaytarish tartibi 
Oʻzbekiston Respublikasining tegishli xalqaro shartnomasi qoʻllanishi huquqiga ega boʻlgan 
norezident jismoniy shaxs tomonidan Oʻzbekiston Respublikasidagi manbalardan olingan 
daromadlardan soliq ushlab qolingan va budjetga toʻlangan taqdirda, bunday norezident ushbu 
Kodeksning 12-bobida nazarda tutilgan tartibda toʻlangan soliqni qaytarib olish huquqiga ega. 
XIV BOʻLIM. 
IJTIMOIY SOLIQ 
58-bob. Ijtimoiy soliqni hisoblab 
chiqarish va toʻlash (402 - 409-moddalar) 

---

58-BOB. IJTIMOIY SOLIQNI HISOBLAB 
CHIQARISH VA TOʻLASH 
402-modda. Soliq toʻlovchilar 
403-modda. Soliq solish obyekti 
404-modda. Soliq bazasi 
405-modda. Soliq stavkalari 
406-modda. Soliq davri. Hisobot davri 
407-modda. Soliqni hisoblab chiqarish, soliq 
hisobotini taqdim etish va soliqni toʻlash tartibi 
408-modda. Ayrim toifadagi jismoniy shaxslar 
tomonidan soliqni hisoblab chiqarish va 
toʻlashning oʻziga xos xususiyatlari 
409-modda. Ixtiyoriy ravishda soliqni hisoblab 
chiqarish va toʻlashning oʻziga xos xususiyatlari 
402-modda. Soliq toʻlovchilar 
Ijtimoiy soliqni soliq toʻlovchilari (bundan buyon ushbu boʻlimda soliq toʻlovchilar deb 
yuritiladi) deb quyidagilar eʼtirof etiladi: 
Oʻzbekiston Respublikasining yuridik shaxslari; 
Oʻzbekiston Respublikasida faoliyatni doimiy muassasa orqali amalga oshiruvchi 
Oʻzbekiston Respublikasi norezidentlari boʻlgan yuridik shaxslar, chet el yuridik shaxslarining 
vakolatxonalari va filiallari; 
ushbu Kodeksning 408 va 409-moddalarida nazarda tutilgan tartibga muvofiq ijtimoiy soliq 
toʻlaydigan jismoniy shaxslarning ayrim toifalari. 
403-modda. Soliq solish obyekti 
(1-q.)
Ish beruvchining xodimlar mehnatiga haq toʻlashga doir xarajatlari ijtimoiy soliqning 
(bundan buyon ushbu boʻlimda soliq deb yuritiladi) soliq solish obyektidir. 
(2-q.)
Oʻzbekiston Respublikasi hududida ishlash uchun chet ellik xodimlar bilan taʼminlash 
yuzasidan xizmatlar koʻrsatishga doir shartnomalar boʻyicha Oʻzbekiston Respublikasi 
norezidenti boʻlgan yuridik shaxsga toʻlanadigan chet ellik xodimlarning daromadlari ham soliq 
solish obyektidir.
(3-q.)
Jismoniy shaxslarning ayrim toifalari uchun ular tomonidan tadbirkorlik faoliyatini va 
(yoki) yakka tartibdagi mehnat faoliyatini amalga oshirish soliq solish obyektidir. 
(4-q.)
Quyidagilar soliq solish obyekti hisoblanmaydi: 
ish beruvchining xodimga mehnatda mayib boʻlganligi yoki sogʻligiga boshqacha shikast 
yetganligi bilan bogʻliq zararning oʻrnini qoplash tarzidagi, ushbu Kodeks 369-moddasi ikkinchi 
qismining 10-bandida koʻrsatilgan miqdorlardan ortiqcha xarajatlari; 
paxta yigʻim-terimi boʻyicha mavsumiy qishloq xoʻjaligi ishlariga jalb qilingan jismoniy 
shaxslarning bu ishlarni bajarganligi uchun mehnat haqi toʻlashga doir xarajatlar. 

---