Oʻzbekiston respublikasining soliq kodeksi (Yangi tahriri) Oʻzbekiston Respublikasining

349-modda. Soliq hisobotini taqdim etish va soliq toʻlash tartibi 
(1-q.)
Doimiy muassasalar orqali faoliyat yuritadigan norezidentlar soliq hisobotini soliq 
hisobiga qoʻyilgan joydagi soliq organiga ushbu Kodeks 339-moddasining toʻrtinchi va beshinchi 
qismlarida nazarda tutilgan tartibda va muddatlarda taqdim etadi. 
(2-q.)
Doimiy muassasa orqali faoliyat yuritadigan norezidentlar soliq davrining yakunlariga 
koʻra soliq hisobotini taqdim etish uchun nazarda tutilgan muddatlarda, soliq hisobiga qoʻyilgan 

---

joydagi soliq organiga Oʻzbekiston Respublikasidagi faoliyati toʻgʻrisidagi hisobotni ham 
(ixtiyoriy shaklda) taqdim etadi. 
(3-q.)
Doimiy muassasaning faoliyati soliq davri tugaguniga qadar tugatilgan taqdirda, soliq 
boʻyicha soliq hisoboti va Oʻzbekiston Respublikasidagi faoliyati toʻgʻrisidagi hisobot faoliyat 
tugatilganidan keyin bir oydan kechiktirmay taqdim etilishi kerak. 
(4-q.)
Soliqni toʻlash ushbu Kodeksning 340-moddasida nazarda tutilgan tartibda umumiy 
asoslarda amalga oshiriladi. 
(5-q.)
Norezident Oʻzbekiston Respublikasi hududida doimiy muassasa orqali faoliyatini 
tugatganda soliq bunday faoliyat tugaguniga qadar toʻlanadi. 
350-modda. Soliq agenti tomonidan ushlab 
qolingan soliqni hisobga olish tartibi 
(1-q.)
Oʻzbekiston Respublikasining norezidenti tomonidan doimiy muassasa belgilariga 
javob beradigan faoliyatdan, doimiy muassasa sifatida soliq organida hisobga qoʻyishga qadar 
olingan daromadlarga ushbu Kodeksning 50-bobida belgilangan tartibda soliq agentida soliq 
solinishi lozim. Bunda soliq agenti tomonidan ushlab qolingan soliq norezident soliq organida 
doimiy muassasa sifatida hisobga qoʻyilganidan keyin soliq majburiyatlarini qoplash hisobiga 
hisobga olinishi lozim. 
(2-q.)
Mazkur moddaning birinchi qismida koʻrsatilgan hisobga olish soliq agenti tomonidan 
soliq ushlab qolinganligini tasdiqlovchi hujjatlar mavjud boʻlgan taqdirda amalga oshiriladi.