Oʻzbekiston respublikasining soliq kodeksi (Yangi tahriri) Oʻzbekiston Respublikasining

346-modda. Soliq agentining javobgarligi 
Soliq summasi toʻlov manbaida ushlab qolinmagan taqdirda, soliq agenti soliqning ushlab 
qolinmagan summasini va u bilan bogʻliq penya summasini qonun hujjatlariga muvofiq budjetga 
kiritishi shart. 
49-BOB. FAOLIYATINI DOIMIY MUASSASA ORQALI 
AMALGA OSHIRAYOTGAN NOREZIDENTLARNING 
DAROMADLARIGA SOLIQ SOLISHNING 
OʻZIGA XOS XUSUSIYATLARI 

---

347-modda. Soliq solinadigan daromadni aniqlash 
348-modda. Chegirib tashlanadigan xarajatlarni aniqlash 
349-modda. Soliq hisobotini taqdim etish va soliq toʻlash tartibi 
350-modda. Soliq agenti tomonidan ushlab qolingan 
soliqni hisobga olish tartibi 
347-modda. Soliq solinadigan daromadni aniqlash 
(1-q.)
Faoliyatini doimiy muassasa orqali amalga oshirayotgan norezidentning 
daromadlaridan soliqni hisoblab chiqarish va toʻlash ushbu bobda nazarda tutilgan oʻziga xos 
xususiyatlarni hisobga olgan holda, ushbu Kodeksning 43 - 47-boblarida belgilangan tartibda 
mazkur norezident tomonidan mustaqil ravishda amalga oshiriladi.
(2-q.)
Bajarilishi mazkur bobda nazarda tutilgan, faoliyatini doimiy muassasa orqali amalga 
oshirayotgan norezident boʻlgan soliq toʻlovchining majburiyatlari uning doimiy muassasasiga 
yuklatilishi mumkin. Bunda doimiy muassasa soliq toʻlovchining barcha huquqlariga ega boʻladi. 
(3-q.)
Doimiy muassasaning jami daromadini bunday doimiy muassasaning faoliyati bilan 
bogʻliq boʻlgan, Oʻzbekiston Respublikasida faoliyatni amalga oshirish boshlangan sanadan 
eʼtiboran olingan daromadlarning quyidagi turlari tashkil etadi: 
1) norezident tomonidan Oʻzbekiston Respublikasi hududida faoliyatini oʻzining doimiy 
muassasasi orqali amalga oshirish natijasida olingan daromadlar;
2) norezidentning Oʻzbekiston Respublikasidagi doimiy muassasasi mulkiga egalik qilish, 
undan foydalanish va (yoki) uni tasarruf qilishdan olgan daromadlari; 
3) norezidentning daromadlari, shu jumladan uning boshqa davlatlardagi tuzilmaviy 
boʻlinmalarining Oʻzbekiston Respublikasidagi Oʻzbekiston Respublikasi norezidenti boʻlgan 
mazkur yuridik shaxsning doimiy muassasasi orqali amalga oshiriladigan faoliyatga aynan 
oʻxshash yoki bir xil faoliyatni amalga oshirishdan oladigan daromadlari; 
4) ushbu Kodeksning 351-moddasida koʻrsatilgan Oʻzbekiston Respublikasidagi 
manbalardan olingan doimiy muassasaga tegishli boshqa daromadlar; 
5) bunday doimiy muassasa faoliyati bilan bogʻliq Oʻzbekiston Respublikasi hududidan 
tashqaridagi manbalardan olingan daromadlar. 
(4-q.)
Agar norezident Oʻzbekiston Respublikasida ham, uning hududidan tashqarida ham 
oʻzining Oʻzbekiston Respublikasidagi doimiy muassasasi bilan birgalikda bajariladigan bitta 
loyiha yoki aloqador loyihalar doirasida tadbirkorlik faoliyatini amalga oshirayotgan boʻlsa, agar 
norezident xuddi shunday yoki aynan oʻxshash faoliyat bilan xuddi shunday yoki aynan oʻxshash 
sharoitlardagi faoliyatda band boʻlgan yakka va alohida shaxs boʻlganida hamda oʻzi doimiy 
muassasasi boʻlgan norezidentdan mustaqil ravishda faoliyat koʻrsatganida olishi mumkin boʻlgan 
daromad bunday doimiy muassasaning daromadi deb hisoblanadi. 
(5-q.)
Agar norezidentning doimiy muassasasi tomonidan Oʻzbekiston Respublikasida 
ishlab chiqarilgan tovarlarni (xizmatlarni) norezidentning Oʻzbekiston Respublikasi hududidan 
tashqarida joylashgan boshqa tarkibiy boʻlinmasi realizatsiya qilsa, agar u xuddi shunday yoki 
aynan oʻxshash faoliyat bilan xuddi shunday yoki aynan oʻxshash sharoitlardagi faoliyatda band 
boʻlgan yakka va alohida shaxs boʻlganida hamda oʻzi doimiy muassasasi boʻlgan norezidentdan 
mustaqil ravishda faoliyat koʻrsatganida olishi mumkin boʻlgan daromad bunday doimiy 
muassasaning daromadi deb eʼtirof etiladi. 
(6-q.)
Agar norezident Oʻzbekiston Respublikasida uchinchi shaxslarning manfaatlarini 
koʻzlab, doimiy muassasa shakllanishiga olib keladigan tayyorgarlik va (yoki) yordamchi turdagi 

---

faoliyatni amalga oshirsa va bunda shunday faoliyatga nisbatan haq olish nazarda tutilmagan 
boʻlsa, soliq solinadigan baza ushbu doimiy muassasaning bunday faoliyat bilan bogʻliq xarajatlari 
summasining 20 foizi miqdorida belgilanadi. 
(7-q.)
Buxgalteriya hisobi toʻgʻrisidagi qonunchilikka muvofiq Oʻzbekiston Respublikasi 
norezidenti doimiy muassasasining shunday norezidentning bosh ofisi yoki boshqa tuzilmaviy 
boʻlinmalari oldidagi majburiyatlari boʻyicha yuzaga keladigan kursga oid farqlar Oʻzbekiston 
Respublikasi norezidentining doimiy muassasasi daromadlari (xarajatlari) jumlasiga kiritilmaydi. 
(OʻzR 21.04.2021-y. OʻRQ-683-son Qonuni tahriridagi qism) 
(8-q.)
Agar norezidentning Oʻzbekiston Respublikasi hududida faoliyati doimiy muassasa 
shakllanishiga olib keladigan bittadan ortiq muassasasi boʻlsa, soliq solinadigan baza va soliq 
summasi har bir muassasa uchun alohida hisoblanadi. 
(9-q.)
Faoliyatini doimiy muassasa orqali amalga oshiruvchi norezidentning soliqni 
toʻlangandan keyin oʻz tasarrufida qoladigan sof foydasi dividendlarga tenglashtiriladi va unga 
ushbu Kodeks 353-moddasining 1-bandida belgilangan soliq stavkasi boʻyicha soliq solinishi 
lozim. 
(OʻzR 29.12.2021-y. OʻRQ-741-son Qonuniga muvofiq kiritilgan qism) 
(10-q.)
Ushbu modda toʻqqizinchi qismining qoidalarini qoʻllash maqsadlarida doimiy 
muassasa orqali faoliyatini amalga oshiruvchi norezident dividendlar tarzidagi daromadlar 
boʻyicha Oʻzbekiston Respublikasining xalqaro shartnomasida nazarda tutilgan pasaytirilgan soliq 
stavkasini ushbu Kodeksning 357-moddasida koʻrsatilgan tartibda qoʻllashga haqli. Agar 
Oʻzbekiston Respublikasining soliq solish masalalari boʻyicha xalqaro shartnomasida dividendlar 
tarzidagi daromadlar boʻyicha bir nechta pasaytirilgan soliq stavkalari nazarda tutilgan boʻlsa, 
ularning eng kami qoʻllaniladi. 
(OʻzR 30.12.2022-y. OʻRQ-812-son Qonuniga muvofiq kiritilgan 
qism) 
OʻzR 30.12.2022-y. OʻRQ-812-son Qonuniga muvofiq oʻninchi va oʻn birinchi qismlari oʻn 
birinchi va oʻn ikkinchi qismlar deb hisoblansin 
(11-q.)
Sof foyda deganda jami daromad va doimiy muassasa faoliyati bilan bogʻliq 
xarajatlar oʻrtasidagi farq tushuniladi. Bunda joriy soliq davri uchun sof foyda ayni bir doimiy 
muassasa doirasida avvalgi soliq davrlarida olingan zararning (zararlarning) umumiy summasiga, 
basharti ilgari bunday zarar (zararlar) sof foydani aniqlashda hisobga olinmagan boʻlsa, 
kamaytiriladi. 
(OʻzR 29.12.2021-y. OʻRQ-741-son Qonuniga muvofiq kiritilgan qism) 
(12-q.)
Sof foydadan olinadigan soliqning hisoblab chiqarilgan summasi soliq hisobotini 
taqdim etish muddatidan kechiktirmay budjetga toʻlanadi. 
(OʻzR 29.12.2021-y. OʻRQ-741-son 
Qonuniga muvofiq kiritilgan qism)