Oʻzbekiston respublikasining soliq kodeksi (Yangi tahriri) Oʻzbekiston Respublikasining

336-modda. Operatsiyalarning ayrim turlari boʻyicha 
zararlarni oʻtkazishning oʻziga xos xususiyatlari 
(1-q.)
Yuridik shaxsning mol-mulk majmui sifatidagi korxonani ustav fondida (ustav 
kapitalida) ishtirok etish ulushini realizatsiya qilishdan yoki uning boshqacha tarzda chiqib 
ketishidan koʻrilgan zarar realizatsiya qilingan (chiqib ketgan) aktivlarga aynan oʻxshash 
aktivlarni realizatsiya qilishdan (ularning chiqib ketishidan) olingan daromadlar hisobidan 
kompensatsiya qilinadi. 

---

(2-q.)
Ishonchli boshqaruv shartnomasi boʻyicha koʻrilgan zararlar ishonchli boshqaruv 
muassisining soliq bazasini belgilashda hisobga olinmaydi. Bunday zararlar ushbu ishonchli 
boshqaruvning kelgusidagi daromadlariga oʻtkaziladi. 
(3-q.)
Oddiy shirkat shartnomasida (birgalikdagi faoliyat toʻgʻrisidagi shartnomada) ishtirok 
etishdan sheriklarning (ishtirokchilarning) olgan zarari ishonchli shaxsda ushbu oddiy shirkat 
oladigan kelgusi daromadlarga oʻtkaziladi. 
(4-q.)
Xizmat koʻrsatuvchi xoʻjaliklardan koʻrilgan zararlar birgalikda aniqlanadi va 
tadbirkorlik faoliyatidan olinadigan soliq bazasini aniqlashda hisobga olinmaydi. Bunday zararlar 
shu xizmat koʻrsatuvchi xoʻjaliklardan olinadigan kelgusi daromadlarga oʻtkaziladi. 
(5-q.)
Muomalada boʻlmagan qimmatli qogʻozlar va muddatli bitimlarning muomalada 
boʻlmagan moliyaviy vositalariga doir operatsiyalar boʻyicha zararlar alohida aniqlanadi va xuddi 
shunday operatsiyalardan olingan daromadlar hisobidan har bir soliq bazasi doirasida 
kompensatsiya qilinadi. 
OʻzR 29.12.2021-y. OʻRQ-741-son
Qonuniga 
muvofiq oltinchi qism chiqarib tashlangan 
(6-q.) Soliq toʻlovchi ushbu moddada nazarda tutilgan zararlarni ular koʻrilgan soliq 
davridan keyingi oʻn yil mobaynida kelgusiga oʻtkazishni amalga oshirishga haqli. Bunda ushbu 
Kodeks 333-moddasining oltinchi qismida koʻrsatilgan cheklov bunday zararlarga nisbatan tatbiq 
etilmaydi.