O’zbekiston respublikasining soliq kodeksi I bo’lim. Umumiy qoidalar

daromadlarga soliq solish
Ushbu Kodeks 
397-modda uchinchi qismida
ko’rsatilgan jami yillik 
daromadlar to’g’risidagi deklaratsiya asosida soliq to’laydigan jismoniy 
shaxslarning daromadlarni olish bilan bog’liq bo’lgan daromadlar va xarajatlar 
hisobini yuritishi shart va tadbirkorlik faoliyatini amalga oshirish bilan bog’liq 
bo’lgan haqiqatda amalga oshirilgan va hujjatlar bilan tasdiqlangan xarajatlarni 
daromaddan chegirib tashlash huquqiga ega.
 
407-modda. Mualliflik haqi tariqasida olingan daromadlarga soliq 
solishning xususiyatlari.
 
Fan, adabiyot va san’at asarlarini yaratganlik va ulardan foydalanganlik uchun 
mualliflik haqi tariqasida daromadlar oluvchi jismoniy shaxslar bunday faoliyatni 
yakka tartibdagi tadbirkor sifatida davlat ro’yxatidan o’tmagan holda amalga 
oshirish huquqiga ega. 
Ushbu moddaga muvofiq daromadlariga jismoniy shaxslardan olinadigan 
daromad solig’i solinadigan jismoniy shaxslar jismoniy shaxslardan olinadigan 
daromad solig’ini soliq organining yozma xabarnomasi asosida to’laydi. 
Fan, adabiyot va san’at asarlarini yaratganlik va ulardan foydalanganlik uchun 
mualliflik haqi olayotgan jismoniy shaxs daromadlar olish bilan bog’liq daromadlar 
va xarajatlar hisobini yuritishi shart hamda u ijodiy faoliyatni amalga oshirish bilan 
bog’liq, haqiqatda qilingan va hujjatlar bilan tasdiqlangan xarajatlarni daromaddan 
chegirish huquqiga ega, biroq chegirma olingan jami daromad summasining 30 
foizidan ko’p bo’lmasligi kerak. 
Ijodiy faoliyatni amalga oshirish bilan bog’liq xarajatlarga quyidagilar kiradi: 
fan, adabiyot va san’at asarlarini yaratish va ulardan foydalanish uchun zarur 
materiallar olishga doir xarajatlar; 
faqat fan, adabiyot va san’at asarlarini yaratish, nashr qilish, ijro etish yoki 
ulardan boshqacha tarzda foydalanish maqsadida foydalaniladigan bino va mol-
mulk ijarasiga doir xarajatlar.