O‘zbekiston Respublikasining Qonuni Vasiylik va homiylik to‘g‘risida

ustidan shikoyat qilish
Vasiy va homiyning g‘ayriqonuniy harakatlari (harakatsizligi) ustidan vasiylikdagi yoki homiylikdagi shaxs, davlat organlari va muassasalari, fuqarolarning o‘zini o‘zi boshqarish organlari, nodavlat notijorat tashkilotlari hamda vasiylikdagi yoki homiylikdagi shaxsning yashash joyidagi fuqarolar tomonidan tegishli vasiylik va homiylik organiga yoki sudga shikoyat qilinishi mumkin.
9-bob. Yakunlovchi qoidalar
47-modda. Nizolarni hal etish
Vasiylik va homiylik sohasidagi nizolar qonun hujjatlarida belgilangan tartibda hal etiladi.
48-modda. Vasiylik va homiylik to‘g‘risidagi qonun hujjatlarini buzganlik uchun javobgarlik
Vasiylik va homiylik to‘g‘risidagi qonun hujjatlarini buzganlikda aybdor shaxslar belgilangan tartibda javobgar bo‘ladi.
49-modda. Qonun hujjatlarini ushbu Qonunga muvofiqlashtirish
O‘zbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.
50-modda. Ushbu Qonunning kuchga kirishi
Ushbu Qonun rasmiy e’lon qilingan kundan e’tiboran olti oy o‘tgach kuchga kiradi.
Ushbu Qonun «Xalq so‘zi» gazetasining 2014 yil 3 yanvardagi 2 (5932)-sonida e’lon qilingan.
O‘zbekiston Respublikasining Prezidenti I. KARIMOV
Toshkent sh.,
2014 yil 2 yanvar,
O‘RQ-364-son
Xalq ta’limi tizimidagi ta’lim muassasalari Vasiylik kengashlari to‘g‘risida
NIZOM.
1. Umumiy qoidalar.
1. Xalq ta’limi tizimidagi ta’lim muassasalari Vasiylik kengashlari (keyingi matnda «Kengash» deb yuritiladi) jamoatchilik kengashi bo‘lib, ta’lim muas­sasalarini boshqarishda jamoatchilikning faol ishtirokini ta’minlashni ko‘zda tutgan holda, ota-onalar, o‘qituvchilar, mahalla faollari, homiylar va boshqa jamoatchilik vakillari tashabbusi bilan ta’lim muas­sasasida tuziladi.