O‘zbekiston respublikasining qonuni mahsulotlar va xizmatlarni sertifikatlashtirish to‘G‘risida

20-modda. Mazkur Qonunni qo‘llash bilan bog‘liq nizolarni qarab chiqish

Oldingi tahrirga qarang.

Mazkur Qonunni qo‘llash bilan bog‘liq nizolar sud tomonidan O‘zbekiston Respublikasi qonunchiligida belgilab qo‘yilgan tartibda qarab chiqiladi.

(20-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)

21-modda. Shikoyatlarni qarab chiqish

Oldingi tahrirga qarang.

Sertifikatlashtirish natijalaridan norozi bo‘lgan taqdirda manfaatdor tomon “O‘zstandart” agentligining Shikoyatlarni qarab chiqish kengashiga murojaat etishga haqlidir.

Shikoyatlarni qarab chiqish kengashi to‘g‘risidagi nizomni “O‘zstandart” agentligi ishlab chiqadi va tasdiqlaydi.

“O‘zstandart” agentligining Shikoyatlarni qarab chiqish kengashi sertifikatlashtirish organlari va sinov laboratoriyalarining (markazlarining) qarorlari ustidan berilgan shikoyat arizalarini qarab chiqadi.

(21-moddaning birinchi, ikkinchi va uchinchi qismlari O‘zbekiston Respublikasining 2003-yil 25-apreldagi 482-II-son Qonuni tahririda — Oliy Majlis Axborotnomasi, 2003-y., 5-son, 67-modda)

Shikoyat arizalari ikki hafta ichida qarab chiqiladi.

Oldingi tahrirga qarang.

“O‘zstandart” agentligining, Shikoyatlarni qarab chiqish kengashining qarorlari ustidan qonunchilikda belgilangan tartibda sudga shikoyat qilish mumkin.

(21-moddaning beshinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)