Oʻzbekiston Respublikasining Oila kodeksiga qoʻshimcha kiritish haqida

“Oʻzbekiston Respublikasining Oila kodeksiga qoʻshimcha kiritish haqida”gi Oʻzbekiston
Respublikasining qonuni loyihasi yuzasidan chet el davlatlari qonunchiligini oʻrganish boʻyicha
JADVAL

T/r	Davlat/xalqaro standartlar	Qonunchilik normasi
1.	Rossiya Federatsiyasi	Rossiya Federatsiyasida oilaviy sir va uni muhofaza qilish masalasi konstitutsiyaviy darajada belgilangan. Rossiya Federatsiyasi Konstitutsiyasining 23-moddasida har bir insonning shaxsiy hayot daxlsizligini, shaxsiy va oilaviy sirlarini, oʻz shaʼni hamda nomini himoya qilish huquqiga ega ekanligi belgilangan.
2.	Qozogʻiston Respublikasi	Qozogʻiston Respublikasi Konstitutsiyasining 18-moddasi va Oila kodeksining 53-moddasida shaxsiy hayot daxlsizligi, shaxsiy va oilaviy sirlarni muhofaza qilish tartibi belgilangan. Konstitutsiyasining 18-moddasiga koʻra har bir inson shaxsiy hayot daxlsizligi, shaxsiy va oilaviy sirlari, oʻz shaʼni va qadr-qimmatini himoya qilish huquqiga ega. Oila kodeksining 53-moddasida esa, shaxsiy hayot daxlsizligi, shaxsiy va oilaviy sirlar qonun bilan muhofaza qilinishi belgilangan. Fuqarolik holati dalolatnomalarini davlat roʻyxatidan oʻtkazadigan mansabdor shaxslar, shuningdek shaxsning shaxsiy hayotiga oid maʼlumotlardan boshqacha tarzda xabardor boʻlgan shaxslar ularning shaxsiy va oilaviy sirlarini saqlashga majburdirlar.