O‘zbekiston respublikasining markaziy banki to‘G‘risida

IХ. БАНК ВА УЛАР ФИЛИАЛЛАРИ

БИНОЛАРИНИНГ МУҲОФАЗАСИНИ ТАЪМИНЛАШ

ҲАМДА МУҲАНДИС-ТЕХНИК ҚЎРИҚЛАШ ВОСИТАЛАРИ

БИЛАН ЖИҲОЗЛАНИШИГА, АХБОРОТ АЛМАШИНУВИ ВА

МУҲОФАЗАСИГА ОИД ДАСТУРИЙ МАҲСУЛОТЛАРГА

ҚЎЙИЛГАН ТАЛАБЛАР

40. Банк биноси хавфсизлиги, банк ва рақамли банкларнинг ахборот муҳофазасига оид дастурий техник воситалар билан жиҳозланиши "Ўзбекистон Республикасининг автоматлаштирилган банк тизимларидаги антивирус ҳимояси тўғрисида" (рўйхат рақами 910, 2000 йил 10 март), "Ўзбекистон Республикаси тижорат банклари автоматлаштирилган банк тизимларида ахборотни муҳофаза қилиш тўғрисида" (рўйхат рақами 1552, 2006 йил 13 март, "Ўзбекистон Республикаси банк тизимида электрон рақамли имзо ва шифрлаш калитларидан фойдаланиш тартиби тўғрисида"ги (рўйхат рақами 1553, 2006 йил 13 март) низомлар ҳамда "Ўзбекистон Республикаси ҳудудида банкларда электрон ахборотларни муҳофазалашни ташкил этиш тўғрисида" (рўйхат рақами 1047, 2001 йил 9 июль) ва "Ўзбекистон Республикаси банкларида электрон архив ишларини юритиш тартиби тўғрисида"ги (рўйхат рақами 1685, 2007 йил 2 июнь) йўриқномаларда кўрсатилган талаблар асосида амалга оширилиши лозим.

41. Банклар ва уларнинг филиаллари биноларининг муҳофазаси таъминланганлиги ҳамда муҳандис-техник қўриқлаш воситалари билан жиҳозланганлиги, дастурий маҳсулотларнинг тайёрлиги юзасидан хулоса бериш Вазирлар Маҳкамасининг 2014 йил 10 мартдаги 56-сон қарори билан тасдиқланган Бинонинг Марказий банк талабларига мувофиқлиги, асбоб-ускуналар, касса узелининг тайёрлиги ва дастурий-техник воситалар билан жиҳозланганлиги тўғрисида хулоса бериш тартиби тўғрисидаги низомга мувофиқ амалга оширилади.

42. Банк ва уларнинг филиалларини Ўзбекистон Республикаси Миллий гвардияси қўриқлаш хизмати томонидан қўриқлашни ташкил этиш ҳамда уларни муҳандис-техник қўриқлаш ва ёнғиндан хабар бериш сигнализация воситалари билан жиҳозлаш қонун ҳужжатларида қайд этилган талабларга асосан амалга оширилади.