O’zbekiston Respublikasi Xalq ta'limi Vazirligi

SURXONDARYO-QASHQADARYO RAQS MAKTABI
Surxondaryo-Qashqadaryo raqs maktabi o’zbek madaniyati rivojida o’z orniga ega bo’lib, xalq ijodiyotining yuksak namunasi sifatida alohida e’irofga loyiqdir. Asosiy yo’nalishi qo’l, oyoq, tana harakatlarining ma’no-mazmunini tabiat o’zgarishlari bilan bog’liq holda aholisining turmush tarzini, sharoitlari-yu mehnatini aks ettirishdir. Xususan, bahorgi mehnat mavsumi kelishidan oldin – “Navro’z”, “Gul sayli”, “Shox moylash”, yozgi mavsum oldi – “Suv sayli”, “Choy momo”, “Shamol chaqirish”, kuzgi hosilni yig’ish oldi – “Xirmon to’yi, “Uzum sayli”, “Qovun sayli”, qishda esa – “Qorxat”, “Yasan-tusan”, “Gap-gashtak” kabi ko’rinishlar raqslar orqali madh etiladi.
Vohaning azaliy, nomoddiy madaniy merosi xalqaro miqyosda ko’p yillardan buyon o’tkazib kelinayotgan – “Boysun bahori” deb nomlangan ochiq folklor festivali orqali butun dunyo xalqlariga tarannum etiladi.

Tamaraxonim XX asr boshlarida Muhiddin Qori Yoqubov boshchiligida Alisher Navoiy nomli opera va balet teatrining tashkil topishiga katta hissa qo‘shgan raqs ustalaridan biridir.

Tamaraxonim–qo‘shiqchi, raqqosa va baletmeyster. Tamara Artyomovna Petrosyan 1906-yil 16 (29)-martda Marg‘ilon shahrida tug‘ilgan – 1991-yil 30-iyunda Toshkent shahrida vafot etgan. O‘zbek professional raqsi asoschilaridan biri. O’zbekiston xalq artisti. Yosh- ligidan san’atga qiziqqani bois dastlab Marg‘ilon, Farg‘ona ayollari orasida raqsga tushib, qo‘shiq kuylagan hamda Yusufjon qiziq Shakarjonov, Usta Olim Komilovlardan o‘zbek raqs harakatlarini, Hamza, Konstantin Stanislavskiy, Vladimir Nemirovich - Danchenko va boshqalardan qo’shiqchilik, aktyorlik mahoratini qunt bilan o‘rgandi. Moskva teatr texnikumida tahsil olgan.

Tamaraxonim Ikkinchi jahon urushi yillarida konsert brigadalari bilan armiya qismlarida xizmat qilgan, hamda uning ijrosida 500 dan ortiq qo’shiq va raqslar 86 tilda yangragan.
Tamaraxonim Fransiya, Norvegiya, Germaniya, Italiya, Turkiya, Eron, Hindiston kabi davlatlarda gastrolda bo‘lgan. Vafotidan so’ng “Buyuk xizmatlari uchun” ordeni bilan mukofotlangan.