O‘zbekiston respublikasi xalq ta'limi vazirligi t. Usmonxo‘jayev, M. Toirova

«Otni sug‘or»
Bolalar ayvonda yoki maydonchada skameykada o'tiradilar. Bitta bolaning qo'liga chelakcha beriladi. U o'yinchoq otni sug'orishi kerak. Bola o‘yinchoq otdan 2-3 m masofada chiziq orqasida turadi. Tarbiyachi uning qo‘liga chelakcha beradi va ko‘zini bog‘lab qo‘yadi. Tarbiyachi signalidan so‘ng bola otning oldiga boradi va unga suv ichiradi (chelakni otning og‘ziga olib borishi kerak).
«Kech qolma»
Tarbiyachi doira bo'ylab polga kubiklar (yoki doirachalar, shiqildoqlar) qo‘yib chiqadi. Bolalar kubiklarning oldida turadilar. Tarbiyachining singalidan keyin ular xona bo‘ylab yugurib ketadilar. «Kech qolma», degan signaldan keyin ular kubiklar tomon yugurib keladilar.
«Yuringlar, o‘ynab kelamiz»
Tarbiyachi yoniga kichikroq guruhdagi bolalarni to‘playdi va qo'liga yorqin rangli ro‘mol yoki bayroqchani olib silkitadi. Bolalarga maydon bo‘ylab orqamdan yuringlar, deydi. Bolalar bir-birlariga urilib ketmasdan, o‘tib va qolib ketmasdan, hammalari birga yurishga harakat qilishlari kerak.
O‘yinni murakkablashtirish uchun bolalarga bir- birlarining orqasidan yurish taklif etiladi.
«Yuringlar, sayrga chiqamiz»
Bolalar maydoncha chetida skameykalarda o‘tiradilar. Tarbiyachi 5-6 nafar bolani galma-galdan chaqiradi. Ular ketma-ket turib, tarbiyachi bilan birga maydonchani aylanadilar va o‘z joylariga qaytib keladilar. So‘ngra tarbiyachi keyingi rypyh bolalarni chaqiradi.
O‘yinning qoidasi shuki, bolalar bir-biridan qolmasdan va oshib ketmasdan, ko‘rsatilgan yo‘nalishda yurishlari kerak.
«Bizning dimog‘imiz chog‘»
Bolalarga ro‘molcha (lenta, shiqildoq) tarqatiladi. Tarbiyachi butun maydoncha bo‘ylab har xil yo'nalishda ro'molchani yoki lentani silkitib yurishni taklif qiladi. Bolalar bir-birlariga urilmasdan, yo‘l berib, bo‘sh joyga o‘tishga harakat qiladi. Boshni egmasdan, ro‘molchaga qarab yuriladi.
O‘yinni murakkablashtirish uchun bolalar ketma-ket bo‘lib, qatorda yurishlari mumkin.