Chumchuqlar va avtomobil o’yini

Chumchuqlar va avtomobil o’yini

O'yinning maqsadi bolalarni turli yo'nalishda bir-birlariga urilmasdan harakat qilishga va yo'lni o'zgartirib, o'z joylarini topib olishga o'rgatishdan iborat.

Bolalar maydoncha yoki yoki xonaning bir tomoniga qo'yilgan o'rindiqlarda o'tiradilar. Bolalar chumchuqlar bo'ladi, o;rindiqlar esa in vazifasini bajaradi.

2-tomonda turgan tarbiyachi avtomobilni ifoda etadi. U : "Qani chumchuqlar yo'lga uchib tushamiz" , deydi.shunda bolalar maydoncha bo'ylab huddi chumchuqqa o'xshab qo'llarini qanot qilib, qoqib yuguradilar. Oradan biroz vaqt o'tgach, tarbiyachi: "Extiyot bo'linglar avtomobil krlyapti. Qani qushchalar in-inlaringizga qochinglar", deydi.Avtomobil garajdan chiqib,chumchuqlarga qarab yuguradi. Chumchuqlar inlariga qarab uchadilar( ya'ni joylariga borib o'tiradilar).

Avtomobil esa garajga qaytadi. Dastlab o'yinda 10-12 bola, keyin bugun guruh qatnashadi. Tarbiyachi oldin chumchuqlarning qanday uchishini, qanday oldin don olib cho'qishini ko'rsatib beradi. Bolalar chumchuqlarga taqlid qilib o'qituvchining harakatlarini takrorlaydilar. Keyin o'yinga avtomobilni tarbiyachining o'zi ipga bog'lab sudrab yuradi. Faqat o'yinni bir necha marta takrorlagandan so'ng keyingina harakatchanroq bir bolaga avtomobilni olib chiqish va yurishini topshirish mumkin. Eslatib qo'yish joizki, qushchalar o'z inlariga yetib olishlari uchun avtomobil juda tez yurmasligi kerak.

POEZD

O'yinining maqsadi bolalarni bir nechtadan bo'lib, avval bir-birining orqasidan ushlab,

keyinchalik ushlamasdan yurishga va to'xtatishga o'rgatishdan iborat. Tarbiyachi bolalarga bir-birlarining orqasidan turishni taklif qiladi: "Sizlar vagonchalar, men parovoz bo'laman", deb

o'zi bolalarning oldiga borib turadi (2-rasm). Parovoz hushtak chaladi-da, dastlab asta harakatlanib, so'ng tez yurib ketadi (tarbiyachi "du-du-du" deb ovoz chiqaradi, bolalar uning

ketidan qadamlarini asta tezlatib, keyin yugurib ketadilar). So'ngra tarbiyachi harakatni sekinlashtirib, asta-sekin to'xtaydi va: "Poezd bekatga yetib keldi. Mana, bekat", deydi. U yana hushtak chalib yurib ketadi. Dastlab qolganlari stulchalarda o'tirib tomosha qilishadi. O'yin takrorlanganda bolalar soni 12-15 kishiga yetishi mumkin. O'yin ko'p marta takrorlangandan so'ng, eng chaqqon bolaga paravoz bo'lishni topshirish mumkin. Vagonlar bir-biridan uzilib

q olmasligi uchun parovoz (ya'ni, parovoz vazifasini o'tovchi kishi) juda yurmasligi kerak. besh-oltita bola ketma-ket turadi.

SAMOLYOTLAR

Bu o'yinda bolalar bir-biriga tegmasdan, turli yo'nalishda yugurishga o'rgatiladi.

Shunda ular ishorani darrov ilg'ab olib, harakatni boshlashga odatlanadilar. Bolalar samolyotda o'tirgan yo'lovchilarni ifoda etadilar. Ular maydonchaning har yer-har yerida turadilar. Tarbiyachi "Uchishga tayyorlaning!" deganda ular qo'llarini tirsakdan bukib oldilaridan

aylantiradilar, ya'ni motorni ishga soladilar. "Uchinglar!" deganda bolalar qo'llarini yon tomonlariga uzatib, maydoncha bo'ylab tarqalib yuguradilar. "Qo'ning!" deganda esa samolyotlar

to'xtab, yerga qo'nadilar (bolalar bitta tizzalarishni yerga qo'yib cho'nqayadilar). O'yin 5-6 marta takrorlanadi. Mazkur o'ynini bir oz murakkablashtirish mumkin. Buning uchun bolalar 3-4 guruhga bo'linadilar. "Qo'ning!" deganda bolalar o'z joylarini topib turadilar, tarbiyachi qaysi gurux samolyotlari birinchi bo'lib to'planganini ta'kidlaydi. O'yin O'rta va kichik guruhlarga bo'lingan xolda o'tkazilsa, maqsadga muvofiq bo'ladi. Kichkintoylarga bu o'yin qiyinchilik tug'dirishn mumkin.