Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Microsoft Excel 2016 dasturi. MS Excel 2016 menyusi, uskunalar paneli, formatlash elementlari va ularning vazifalari haqida. Yacheykalarga ma’lumotlarni kiritish usullari, ular ustida har xil arifmetik va mantiqiy amallar bajarish, ma’lumotlarni saralash va tahrirlash. Jadvalli ma’lumotlar bilan ishlash, diagrammalar tashkil qilish va ularni oʻzgartirish. Ssenariylar tashkil etish, murakkab hisobotlar bilan ishlash texnologiyasi.

MS Excel 2016 dasturi. Elektron jadvallar bilan ishlovchi MS Excel 2016 dasturi hisoblash amallariga asoslangan xolda jadval koʻrinishidagi ma’lumotlarni qayta ishlash uchun, hamda xisoblashlar natijasi boʻlgan sonli qiymatlar asosida turli koʻrinishdagi diagrammalar yaratishga moʻljallangan. Kompyuterlar sonli ma’lumotlarni jadval shaklida ifodalanishi va uning ustida har xil hisoblash amallarini bajarishga imkon yaratib beradi.

Jadval ma’lumotlarni saqlash va qayta ishlab chiqish uchun moʻljallangan kompyuter dasturlari elektron jadvallar deb ataladi.

MS Excel 2016 dasturida xar xil jadval shaklidagi ma’lumotlar bazasi bilan ishlashga moʻljallangan boʻlib, ekran yacheykalardan iborat va xar bir yacheyka shaxmat taxtasiga oʻxshagan oʻz adresiga ega. Bu ma’lumotlar bazasi bilan ishlaganda xar bir yacheykada joylashgan ma’lumotdan foydalanish va undan foydalanib, boshqa bir yangi ma’lumot xosil qilishga imkon beradi. Bu dastur asosan bank sistemasiga oʻxshagan ma’lumotlar bazasi bilan ishlovchilar uchun moʻljallangan va juda koʻp imkoniyatlariga ega.

Dasturni yuklash uchun Windowsning asosiy menyusidan Pusk→Vse programmi→ Microsoft Office 2016 → Microsoft Office MS Excel 2016 bandlari tanlanadi. MS Excel 2016 da har qanday hujjat ishchi kitob deb ataladi va .xlsx kengaytmali shablonlar bilan tasvirlanadi. Har bir ishchi kitobda boshlangʻich holatda 3 tadan sahifa beriladi. Bu sahifalar sonini koʻpaytirish va kamaytirish ham mumkin. Birinchi ishchi kitobga Kniga1 degan nom beriladi.

MS Excel 2016 dasturining interfeysi sarlavhalar satri, menyular qatori, buyruqlar lentasi, formula qatori, ishchi varoq va holatlar satridan iborat.