Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Telefon liniyasi orqali internetga ulanish. Internet tarmogʻiga oddiy telefon tarmoqlari orqali standart modem qurilmalari yordamida ulanish mumkin. Telefon liniyasi orqali Internetga ulanishda modem qurilmasidan tashqari maxsus dasturdan (protokol) ham foydalaniladi. Bunda ushbu dastur yordamida Internetga ulanganda telefon liniyasi band qilinadi, seans tugatgandan soʻng telefon tarmogʻi boʻshatiladi va unda boshqa foydalanuvchi foydalaniishi mumkin. Internetga ulanishni amalga oshiruvchi dasturning yutugʻi shundaki, ular Internetga toʻgʻridan toʻgʻri ulanishga imkon beradi.
Telefon liniyasi orqali «Chaqiruv» boʻyicha Internetga bogʻlanish Internet xizmatlarini taqdim etuvchi provayder bilan mijoz oʻrtasida amalga oshiriladi. Bunda foydalanuvchi mantiqiy nom (login) va maxfiy belgi (parol) yordamida Internetga toʻgʻridan-toʻgʻri ulanadi.

Mobil aloqa vositalari yordamida internetga ulanish. Internet tarmogʻiga nafaqat kabel yoki telefon liniyasi orqali simli ulanish mumkin, balki mobil aloqa vositalari yordamida simsiz ulanish ham mumkin. Internet tarmogʻiga simsiz ulanish kompyuter orqali yoki mobil telefonning oʻzida amalga oshiriladi. Agar kompyuter orqali Internetga simsiz ulanish kerak boʻlsa, u holda kompyuterdan tashqari Internet xizmatlarini taqdim etuvchi operator yoki provayderning simsiz ishlovchi modemi yoki xuddi shu vazifani bajaruvchi mobil telefon apparati zarur.
Agar mobil telefonning oʻzida turib Internetga bogʻlanish yoki undan foydalanish kerak boʻlsa, u holda Internet xizmatlarini koʻrsatuvchi mobil operatorning mijozi boʻlishingiz va unda GPRS xizmati yoqilgan boʻlishi talab qilinadi. Mobil aloqa vositalari yordamida Internetdan foydalanilganda WAP texnologiyasi internetdan simsiz foydalanish imkonini beradi. Mobil aloqa tarmoqlarida soʻrovlarni va ma’lumotlarni uzatish uchun GPRS transport xizmatidan foydalaniladi.

Respublikamizda AKTni rivojlantirishga boʻlgan katta e’tibor tufayli Internet tarmogʻida milliy resurslar soni yildan yilga ortmoqdan. Hozirgi kunda respublikada .UZ domen zonasida ikkinchi darajali domen nomlarini roʻyxatga olish boʻyicha 7 ta registratorlar faoliyat koʻrsatadi: Tomas, Billur.com, Arsenal-D, Sarkor Telecom, VSS, TVInform va Simus.
Milliy axborot resurslarini rivojlantirish boʻyicha Hukumat qarorlari va chora-tadbirlar rejasini amalga oshirish natijasida .UZ Milliy domen zonasidagi domen nomlarining soni yildan-yilga ortmoqda.
Provayder va operatorlarning aksariyat qismi Toshkent shahrida joylashganligiga qaramay, respublikamizning boshqa hududlarida ham provayder va operatorlar sonining barqaror oʻsishi kuzatilmoqda.