Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Global tarmoq tushunchasi. Internet tarmogʻining asosiy yacheykalari (qismlari) bu shaxsiy kompyuterlar va ularni oʻzaro bogʻlovchi lokal tarmoqlardir. Internet tarmogʻi – bu global tarmoq vakili hisoblanadi.

Internet alohida kompyuterlar oʻrtasida aloqa oʻrnatibgina qolmay, balki kompyuterlar guruhini oʻzaro birlashtirish imkonini ham beradi. Agar bironbir mahalliy tarmoq bevosita internetga ulangan boʻlsa, u holda mazkur tarmoqning har bir ishchi stansiyasi (kompyuteri) Internet xizmatlaridan foydalanish mumkin. Shuningdek, Internet tarmogʻiga mustaqil ravishda ulangan kompyuterlar ham mavjud boʻlib, ularni xost kompyuterlar (host – asosiy hisoblash mashinasi) deb atashadi. Tarmoqqa ulangan har bir kompyuter oʻz manziliga ega va u yordamida dunyoning istalgan nuqtasidagi istalgan foydalanuvchi bilan muloqot qila olishi mumkin.
Internet tarmogʻining tuzilishi. Internet oʻz-oʻzini shakllantiruvchi va boshqaruvchi murakkab tizim boʻlib, asosan uchta tarkibiy qismdan tashkil topgan:

• 
  texnik;
  
• 
  dasturiy;  axborot.
  

Internet tarmogʻining texnik ta’minoti har xil turdagi kompyuterlar, aloqa kanallari (telefon, sun’iy yoʻldosh, shisha tolali va boshqa turdagi tarmoq kanallari) hamda tarmoqning texnik vositalari majmuidan tashkil topgan.
Internet tarmogʻining dasturiy ta’minoti (tarkibiy qismi) tarmoqka ulangan xilma-xil kompyuterlar va tarmoq vositalarini yagona standart asosida (yagona tilda) ishlashni ta’minlovchi dasturlar.
Internet tarmogʻining axborot ta’minoti Internet tarmogʻida mavjud boʻlgan turli elektron hujjatlar, grafik rasm, audio yozuv, video tasvir, veb-sayt va hokazo koʻrinishdagi axborotlar majmuasidan tashkil topgan.
Internetning ikkita asosiy vazifasi boʻlib, buning birinchisi axborot makoni boʻlsa, ikkinchisi esa kommunikasion vositasidir.
Internetga bogʻlanish. Internet tarmogʻiga ulanish ajratilgan aloqa kanali (optik tola, sun’iy yoʻldosh aloqasi, radiokanal, ajratilgan kommutasiyalanmaydigan telefon liniyasi) boʻyicha doimiy ulanish, shuningdek kommutasiyalanadigan, ya’ni uzib-ulanadigan ulanish (Dial-ur accyess, Dial-ur) koʻrinishida amalga oshiriladi.