Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Multimedia ilovalari quyidagilarga boʻlinadi:
Taqdimot/prezentasiyalar (ing. presentation)–audiovizual vositalardan foydalanib koʻrgazmali shaklda ma’lumot taqdim etish shakli. Taqdimot yagona manbaga umumlashgan kompyuter animasiyasi, grafika, video, musiqa va tovushni oʻzida mujassam etadi. Odatda taqdimot ma’lumotni qulay qabul qilish uchun syujet, ssenariy va strukturaga ega boʻladi.
Animasion roliklar. Animasiya – multimediali texnologiya; tasvirning harakatlanayotganligini ifodalash uchun tasvirlarning ketmaket namoyishi. Tasvir harakatini tasvirlash effekti sekundiga 16 ta kadrdan ortiq videokadrlarning almashinishida hosil boʻladi.
Oʻyinlar. Oʻyin dam olish, koʻngil ochish ehtiyojlarini qondirish, organizmdagi zoʻriqishni yoʻqotish hamda ma’lum malaka va koʻnikmalarni rivojlantirishga yoʻnaltirilgan multimedia ilovalaridandir.
Videoilovalar – harakatlanuvchi tasvirlar ishlab chiqish texnologiyasi va namoyishi. Video tasvirlarni oʻqish qurilmalari – videofilmlarni boshqaruvchi dasturlar.
Multimedia-galereyalar. Galereyalar–tovush joʻrligidagi harakatlanuvchi suratlar toʻplami.
Audioilovalar. Tovushli fayllarni oʻquvchi qurilmalar – raqamli tovushlar bilan ishlovchi dasturlar. Raqamli tovush– bu elektrik signal amplitudasining diskret sonlar bilan ifodalanishi.
Web uchun ilovalar – bu alohida veb-sahifalar, uning tarkibiy qismlari (menyu, navigasiya v.b.), ma’lumot uzatish uchun ilovalar, koʻp kanalli ilovalar, chatlar va boshqalar.
3. Elektron pochta serverlarida ishlash
Elektron pochta xizmati va uning imkoniyatlari. Internet–xalqaro tarmogʻining asosini Electronic mail (E-mail) - elektron pochta xizmati tashkil qiladi. Elektron pochta xuddi odatdagi pochtadek boʻlib, faqat bunda xatni qogʻozga emas, balki kompyuter klaviaturasidan harf va soʻzlarni terib, ma’lum elektron yozuv koʻrinishiga keltiriladi. Elektron pochta maxsus dastur boʻlib, uning yordamida Internet tarmogʻi orqali dunyoning ixtiyoriy joyidagi elektron manzilga xat, hujjat, ya’ni ixtiyoriy ma’lumotni tezda (bir necha soniya va daqiqalarda) joʻnatish va qabul qilib olish mumkin. Elektron pochtaning kamchiligi shundan iboratki, xat joʻnatuvchi va qabul qiluvchining har ikkalasi ham foylanayotgan kompyuter Internet tarmogʻiga ulangan boʻlishi zarur.