O‘zbekiston respublikasi xalq ta’limi vazirligi samarqand viloyat xalq ta’limi xodimlarini qayta tayyorlash va ularning malakasini oshirish hududiy markazi

4- AMALIY MASHG‘ULOT

ONA TILI DARSLARIDA BILIM, KO‘NIKMA, MALAKALARNI NAZORAT QILISHNING ZAMONAVIY USULLARI.

Mashg‘ulotni olib borish moduli

Vaqt – 80 daqiqa	Tinglovchilar soni: 25
Mashg‘ulot shakli	Amaliy
Amaliy mashg‘ulot rejasi	Kirish. Boshlang‘ich sinf ona tili darslarida diktant turlari va uni o‘tkazish metodikasi. Ta’limiy va tekshiruv diktantlarining farqli tomonlari. Ta’limiy diktantning tarkibiy tuzilishi. Uzviylashtirilgan davlat ta’lim standartlari va o‘quvdasturi bo‘yicha diktantga qo‘yiladigan talablar. Xulosa.
Ta’lim metodlari:	Kichik ma’ruza, namoyish etish, savol-javob, test.
Ta’lim vositalari:	Ma’ruzalar matni, xattaxta, tarqatma materiallar,qog‘ozlar, proektor, ekran, slaydlar.
Ta’lim shakli:	Jamoaviy ish.
O‘qitish shart-sharoitlari:	Texnik vositalar bilan ta’minlangan va jamoaviy ishlashga mo‘ljallangan auditoriya.
Monitoring va baholash:	Nazorat savollari, test.

Kalit so‘z ilar: boshlang‘ich sinf ona tili darslarida diktant turlari va uni o‘tkazish metodikasi, ta’limiy va tekshiruv diktantlarining farqli tomonlari, ta’limiy diktantning tarkibiy tuzilishi, uzviylashtirilgan davlat ta’lim standartlari va o‘quvdasturi bo‘yicha diktantga qo‘yiladigan talablar.

Mashg‘ulotning maqsad va vazifalari
Maqsadlar: Ta’limiy: Tinglovchilarga yozma ish turlari va uni o‘tkazish metodikasi haqida ma’lumot berish. Tarbiyaviy: Tinglovchilar orasida o‘zaro do‘stona munosabatni shakllantirish. Rivojlantiruvchi: Tinglovchilarni yozma ish turlari va uni o‘tkazishga oid bilim, ko‘nikma va malakalarini shakllantirish.		Vazifalar: Ta’limiy savol: Boshlang‘ich sinf ona tili darslarida yozma ishning qanday turlari mavjud? Tarbiyaviy savol:Darsda o‘quvchilarni bir-birini hurmat qilishga erishishda qaysi usullardan foydalanish mumkin? Rivojlantiruvchi savol: Ta’limiy diktant nima?
Kutilayotgan natijalar:
Dars yakunida tinglovchi biladi (Bilim): Boshlang‘ich sinf ona tili darslarida yozma ish turlari va uni o‘tkazish metodikasi, ta’limiy va tekshiruv diktantlarining farqli tomonlari, ta’limiy diktantning tarkibiy tuzilishi, uzviylashtirilgan davlat ta’lim standartlari va o‘quvdasturi bo‘yicha diktantga qo‘yiladigan talablar haqidagi ma’lumotlarga ega bo‘ladilar.	Qaysi savollar beriladi: Ta’limiy va tekshiruv diktantining farqli tomonlari nimada?
Dars yakunida tinglovchi tushunadi (Ko‘nikma):Diktant turlari va uni o‘tkazish metodikasi haqida ma’lumotga ega bo‘ladilar.	Qaysi savollar beriladi: Ta’limiy diktantning tarkibiy tuzilishi qanday bo‘lishi kerak?
Dars yakunida tinglovchi bajara oladi (Malaka): Tinlovchilar yozma ish turlari, ularni o‘tkazish usullari va tahlil qilish qoidalariga doir malaka hosil qiladilar.	Qanday topshiriqlar beriladi: 2016-yil “Sog‘lom ona va bola yili” mavzusida insho, bayon rejasini tuzib kelish.

Mashg‘ulotning texnologik xaritasi

	O‘qituvchi	Tinglovchilar
I. Kirish bosqichi. (10 minut)	Amaliy mashg‘ulot mashg‘ulotining mavzusi, maqsadi va o‘quv faoliyati natijalarini aytadi. Ma’ruza mashg‘ulotning rejasi bilan tanishtiradi. “Aqliy hujum” metodi asosida yangi mavzu bo‘yicha tinglovchilar bilimi aniqlanadi.	Tinglaydilar.
	1.2. Tinglovchilarga, “Yozma ishlarning qanday turlari bor?” degan savol bilan murojaat qiladi.	O‘z fikrlarini erkin bildiradilar.
	1.3.Tinglovchilarning fikrini umumlashtiradi.	Tinglaydilar.
II. Asosiy bosqich (60 minut)	2.1. Tinglovchilarga yangi mavzuni reja asosida bayon qiladi.	Tinglaydilar.
	2.2. Guruhlarga “Aqliy hujum” uslubidan foydalanilgan holda “Ta’limiy va tekshiruv diktantlarining farqli tomonlari nimada?” deb savol bilan murojaat qiladi.	Erkin fikrlarini namoyon etgan holda munozarada qatnashadilar.
	2.3. Tinglovchilarga “Yozma ishlar qanday tekshiriladi?” degan savol beriladi.	O‘z fikrlarini bildiradilar.
III. Yakuniy bosqich (10 minut)	3.1. Tinglovchilar fikrlarini umumlashtiradi.	Eshitadilar.
	3.2. Mustaqil ishlash uchun topshiriq beradi: 2016-yil “Sog‘lom ona va bola yili” mavzusida insho, bayon rejasini tuzib kelish..	Yozib oladilar.

Mashg‘ulot maqsadi: Boshlang‘ich sinf ona tili darslarida o‘quvchilarning fanga oid kompetensiyalarini shakllantirishda foydalaniladigan nazorat va ijodiy topshiriq turlaridan foydalanish bo‘yicha ko‘rsatmalar berish.