O‘zbekiston respublikasi xalq ta’limi vazirligi respublika bolalar kutubxonasi uslubiy bo‘limi kutubxonachilik faoliyatiga oid qabul qilingan qonunlar, farmonlar, qarorlar va boshqa normativ-huquqiy hujjatlar to`plami

AXBOROT-KUTUBXONA FAOLIYATIGA OID ME’YORIY-HUQUQIY HUJJATLAR

O‘zbekiston Respublikasining «Axborot-kutubxona faoliyati to‘g‘risida»gi 2011 yil 13 aprel O‘RQ–280 sonli Qonuni

(http://lex.uz/docs/1769736)
(CTRL tugmachasini bosib alohida rang bilan ajratilgan hujjat ustiga kursorni bosing)


Ushbu Qonunning maqsadi axborot-kutubxona faoliyati sohasidagi munosabatlarni tartibga solishdan iborat.Ushbu Qonun respublika aholisiga ko‘rsatilayotgan xizmatlarning yangi turini shakllantirish, kutubxonalarning axborot-kutubxona va axborot-resurs markazi sifatida yangi mavqeini belgilash, turli idoralarga tegishli axborot-kutubxona muassasalarining o‘zaro hamkorligi va muvofiqligi bo‘yicha munosabatlarini mustahkamlash hamda milliy va jahon axborot hamjamiyatida o‘z o‘rnini egallashida asosiy huquqiy hujjat vazifasini bajaradi.
Qonun axborot-kutubxona muassasalarini davlat tomonidan qo‘llab-quvvatlash, moliyalashtirish, fondni to‘ldirish, hisobga olish, saqlash va ulardan foydalanish, shuningdek axborot-kutubxona muassasalari hamda foydalanuvchilarning huquq va majburiyatlari, ayniqsa, ayrim toifadagi foydalanuvchilarga axborot-kutubxona xizmati ko‘rsatishning alohida shartlarining belgilanishi bilan yanada ahamiyatlidir.


AXBOROT-KUTUBXONA FAOLIYATI BILAN BOG‘LIQ O‘ZBEKISTON RESPUBLIKASINING QONUNLARI

O‘zbekiston Respublikasining «Mualliflik huquqi va turdosh huquqlar to‘g‘risida»gi 2006 yil 20 iyuldagi 42-sonli Qonuni

(http://lex.uz/acts/1022944).
(CTRL tugmachasini bosib alohida rang bilan ajratilgan hujjat ustiga kursorni bosing)
Ushbu Qonunning maqsadi fan, adabiyot va san’at asarlarini (mualliflik huquqi), ijrolar, fonogrammalar, efir yoki kabel orqali ko‘rsatuv yoxud eshittirish beruvchi tashkilotlarning ko‘rsatuvlari yoki eshittirishlarini (turdosh huquqlar) yaratish hamda ulardan foydalanish bilan bog‘liq holda yuzaga keladigan munosabatlarni tartibga solishdan iborat.

O‘zbekiston Respublikasining «Bolalarni ularning sog‘lig‘iga zarar etkazuvchi axborotdan himoya qilish to‘g‘risida»gi 2017 yil 8 sentyabrdagi O‘RQ-444-sonli Qonuni http://www.lex.uz/docs/3333797).

(CTRL tugmachasini bosib alohida rang bilan ajratilgan hujjat ustiga kursorni bosing)
Ushbu Qonunning maqsadi bolalarni ularning sog‘lig‘iga zarar etkazuvchi axborotdan himoya qilish sohasidagi munosabatlarni tartibga solishdan iborat.
Qonunda axborot mahsulotini taqdim etish va (yoki) tarqatish, shu jumladan uni sotish (shu jumladan obuna bo‘yicha tarqatish), ijaraga berish, axborot-kutubxona muassasalari fondlaridan tarqatish, berish,ommaviy namoyish qilish, ommaviy ijro etish (shu jumladan efir yoki kabel uzatuvi, tomoshabop tadbirlar vositasida), telekommunikatsiya tarmoqlariga, shuningdek Internet jahon axborot tarmog‘iga joylashtirish orqali aylanishi ko‘rsatilgan. SHuningdek, axborot mahsulotini uning mavzusini, janrini, mazmunini va badiiy bezagini, muayyan yosh toifasidagi bolalar tomonidan undagi axborotni qabul qilish xususiyatlarini, uning tarkibidagi axborotning bolalar sog‘lig‘iga zarar etkazish ehtimolini inobatga olgan holda, bolalarning yosh toifalari bo‘yicha taqsimlash belgilangan.

O‘zbekiston Respublikasining «Davlat hokimiyati va boshqaruvi organlari faoliyatining ochiqligi to‘g‘risida»gi 2014 yil 5 maydagi O‘RQ-369-sonli Qonuni. (http://www.lex.uz/docs/2381133).

(CTRL tugmachasini bosib alohida rang bilan ajratilgan hujjat ustiga kursorni bosing)
Ushbu Qonunning maqsadi davlat hokimiyati va boshqaruvi organlari faoliyatining ochiqligi sohasidagi munosabatlarni tartibga solishdan iborat.
Mazkur Qonunda Davlat hokimiyati va boshqaruvi organlarining faoliyati to‘g‘risidagi axborotni axborot-kutubxona va arxiv fondlari orqali qonun hujjatlarida belgilangan tartibda taqdim etishi belgilangan.