O‘zbekiston respublikasi xalq ta’limi vazirligi respublika bolalar kutubxonasi uslubiy bo‘limi kutubxonachilik faoliyatiga oid qabul qilingan qonunlar, farmonlar, qarorlar va boshqa normativ-huquqiy hujjatlar to`plami

O‘ZBEKISTON RESPUBLIKASI XALQ TA’LIMI VAZIRLIGI
RESPUBLIKA BOLALAR KUTUBXONASI
USLUBIY BO‘LIMI

KUTUBXONACHILIK FAOLIYATIGA OID QABUL QILINGAN QONUNLAR, FARMONLAR, QARORLAR VA BOSHQA NORMATIV-HUQUQIY HUJJATLAR TO`PLAMI
(qayta to`ldirilgan)

TOSHKENT
Mazkur tavsiyanoma Respublika bolalar kutubxonasining uslubiy bo‘limi tomonidan tayyorlandi.
Tuzuvchilar:
Sh.Narmatov - Uslubiy bo‘limi boshlig‘i


Ushbu tavsiyanomada kutubxona faoliyatiga oid qabul qilingan qonunlar, farmonlar, qarorlar va boshqa normativ-huquqiy hujjatlar mazmunining qisqacha bayoni va sharhi keltirilgan. Kutubxona muassasalarida o‘z ish faoliyatini yuritishni boshlagan mutaxassislar uchun sohaga oid zarur ma’lumotlar berilgan va maktab kutubxonachilari hamda shu sohaga qiziquvchilar uchun foydalanishga tavsiya etiladi.

MUQADDIMA

1991-yil O`zbekiston mustaqilligi qo`lga kiritilgandan so`ng jamiyatning barch qatlamlarida o`zgarishlar yuz berdi. Bozor iqtisodiyoti sharoitiga o`tish davri boshlandi. Hamma sohada bo`lgani kabi madaniy-ma`rifiy sohada ham, madaniyat va san`at sohasida ham milliylikka e`tibor oshdi. Ma`naviyatni shakllantirish rivojlantirish oldingi o`ringa chiqdi.

Xorijiy sarmoyalar mamlakatimiz rivojiga ta`sir eta boshladi. Kutubxonachilik ishi sohasida ham horijiy grantlar, hamkorlik yordamlari paydo bo`ldi.
Shu davrda sohaga oid birinchi marta qabul qilingan O`zbekiston Respublikasining “Axborot-kutubxona faoliyati to`risida”gi Qonuni, 2006 yil 20-iyunda qabul qilingan “Respublika aholisini axborot-kutubxona bilan ta`minlashni tashkil etish to`g`risida”gi, 2011-yil 23-fevraldagi “2011-2015-yillarda axborot kommunikatsiya texnologiyalari negizida axborot kutubxona va axborot resurs xizmatini yanada sifatli takomillashtirishning chora-tadbirlari to`g`risida”gi qarorlari, 2012-yil 20-martda qabul qilingan “Alisher Navoiy nomidagi O`zbekiston Milliy kutubxonasi axborot-resurs markazi faoliyatini tashkil etish chora-tadbirlari” to`g`risida”gi Qarorning o`ziyoq o`ziga xos xususiyatlari va ahamiyatini ko`rsatdi
Hurmatli mutaxassislar, qo‘lingizdagi ushbu toplam o‘z xizmat faoliyatingizni bajarish chog‘ida Sizga beminnat ko‘makchi bo‘lib xizmat qiladi degan umiddamiz.