O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik pedagogik respublika tashxis markazi

O‘ZBEKISTON RESPUBLIKASI XALQ TA’LIMI VAZIRLIGI


O‘quvchilarni kasb-hunarga yo‘naltirish va psixologik - pedagogik respublika tashxis markazi

“OILAVIY ZO‘RAVONLIKNING

OLDINI OLISH”


(4 - sinflar uchun fakultativ mashg‘ulotlar ishlanmasi)

Toshkent- 2021

1-Mavzu: “Qo‘shiq so‘zlardan, narvon qadamlardan paydo bo‘ladi..”
(4-sinf. 45 daqiqa)
1- mashg‘ulot

Maqsad:
Bolalarda “do‘stlik” va “ahillik” tushunchasini shakllantirish. Oldingi darsda olgan bilimlarni mustahkamlash
Vazifalar:

1. 
   O‘yin uslubida bolalarga haqiqiy do‘stning fazilatlari haqida aytib bering;
   
2. 
   Sinfda bolalar o‘rtasida yaxshi munosabatlarni shakllantirish;
   
3. 
   Sinfda do‘stlik va jamoaviy ishni o‘rnatish uchun zarur bo‘lgan muloqot qobiliyatlarini rivojlantirish;
   
4. 
   Bag‘rikenglik hissini tarbiyalash..
   

Kerakli jihozlar: vatman, marker, rangli qog‘oz, rangli qalamlar, qaychi, skoch.
Dars borishi:
Kirish qism: 10 daqiqa
Bolalar bilan salomlashish va mavzu bilan tanishtirish.
O‘yin “Do‘stlik”: Do‘stlik so‘zini har bir bosh harfiga, do‘stlik ma’nosiga mos so‘zlarni topish va yozish. O‘qituvchi vatmanga markerlar bilan vertikal shaklda “Do‘stlik” so‘zini yozadi va bolalarni etgan so‘zlarini yozadi.
D- do‘st
O‘- o‘rtoq
S-sirdosh
T-tabassum
L-lider
I-inoq
K- kuch
Bolalarning javoblari muhokama qilinadi va hulosa beriladi:
Do‘stlik nima, do‘st kim?.
Do‘st - shunday insonki, sizni sog‘inganini aytishga hijolat bo‘lmaydi. U sizni namunali inson emasligingizni bilsa-da, baribir sevadi, qadrlaydi. Har qanday vaziyatda quchoq ochishga tayyor inson. U o‘zining harakatlari bilan o‘zi bilmagan holda kayfiyatingizni tushirishi yoki ko‘tarishi, kulishga majbur qilishi mumkin bo‘lgan yagona odam. U bilan har qanday mavzuda gaplashishingiz mumkin. Sizni mushkul ahvolga solgan muammolarni eshitguvchi. Siz do‘stga o‘zingizga ishongandek ishonasiz. Do‘stingiz siz haqingizda barcha narsani, barcha siringizni biladi va ardoqlaydi. U faqat Siz baxtli bo‘lgandagina to‘la-to‘kis baxtli bo‘ladi. Sizga yordamga kelish uchun vaqt topa biladi.
Haqiqiy do‘stlarda faqat ikkisigina tushunadigan umumiy hazillar bo‘ladi. Siz va do‘stingiz boshdan o‘tkazgan ko‘p voqealar tarixga muhrlangan. Munosabatingizni hech kim buzolmaydi.