O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

O‘tgan dars mazmunini sо‘rash, berilgan uyga vazifani tekshirish va yangi mavzuni bayon qilishga hozirlik kо‘rish. Uy vazifalarining tо‘liq bajarilganligini, ularning tо‘g‘ri yoki notо‘g‘riligini tekshirish, unda yо‘l qо‘yilgan xato va kamchiliklarni kо‘rsatish, о‘quvchilarning о‘tgan dars mavzusini qanday о‘zlashtirganligini aniqlash uchun 5-10 minut sarflash tavsiya etiladi. Shuningdek, yangi mavzuni bayon qilishga hozirlik kо‘rish uchun oldin о‘tilgan zarur faktlar va tushunchalar keltiriladi hamda esga tushiriladi.
Yangi mavzuni bayon qilish. O‘qituvchi har bir darsni darslik mundarijasidagi mavzular ketma-ketligida о‘tishi lozim. Darsning bu qismiga 15-20 minut sarflash tavsiya etiladi.
Yangi о‘tilgan mavzuni mustahkamlash. Yangi о‘tilgan mavzuni о‘quvchilar ongiga mustahkamlash uchun о‘qituvchi maxsus tayyorlab kelgan savollarni о‘quvchilarga havola qiladi, darslikdagi har bir mavzu sо‘ngiga keltirilgan misol va masalalardan tanlab yechiladi.
Darsning bu qismiga 10-15 minut sarflash tavsiya etiladi.
O‘zlashtirilgan bilim va kо‘nikmalarni takrorlash. Kattaroq mavzuga doir Yangi bilimlarni takrorlash, ya’ni masala va misollar yechish orqali orttirilgan bilimlar tizimiga kiritiladi.
O‘zlashtirilgan bilim va kо‘nikmalarni tizimga solish va umumiylashtirish. Yaxlit katta mavzuga yoki bobga doir yangi bilimlar umumlashtirish va tizimga solish orqali mustahkamlanadi.
O‘zlashtirilgan bilim va kо‘nikmalarni nazorat qilish va baholash. Bu faoliyat alohida bosqich sifatida keltirilsada, u odatda butun dars davomida kechadi. O‘qituvchi butun dars davomida о‘quvchilar faoliyatini kuzatib nazorat qilishi, ularning yutuqlarini qayd etib borishi va bu bosqichda baholarni e’lon qilishi lozim bо‘ladi. Dars davomida kamida 20% о‘quvchi baholanib borishi tavsiya qilinadi. Ba’zida о‘zlashtirilgan bilim va kо‘nikmalarni baholash muayyan vaqt oralig‘ida alohida baholash topshiriqlari yordamida frontal shaklda о‘tkazilishi ham mumkin.