O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Matematika о‘quv fanining maqsad va vazifalari
Umumiy о‘rta ta’limida matematika fanini о‘qitishning asosiy maqsadi:
O‘quvchilarda kundalik faoliyatda qо‘llash, fanlarni о‘rganish va ta’lim olishni davom ettirish uchun zarur bо‘lgan matematik bilim va kо‘nikmalar tizimini shakllantirish va rivojlantirish; jadal taraqqiy etayotgan jamiyatda muvaffaqiyatli faoliyat yurita oladigan, aniq va ravshan, tanqidiy hamda mantiqiy fikrlay oladigan shaxsni shakllantirish; milliy, ma’naviy va madaniy merosni qadrlash, tabiiy-moddiy resurslardan oqilona foydalanish va asrab-avaylash, matematik madaniyatni umumbashariy madaniyatning tarkibiy qismi sifatida tarbiyalashdan iborat.
Umumiy о‘rta ta’limi muassasalarida matematika fanini о‘qitishning asosiy vazifalari:
O‘quvchilar tomonidan matematik tushunchalar, xossalar, shakllar, usullar va algoritmlar haqidagi bilim, kо‘nikmalar egallanishini ta’minlash; inson kamoloti va jamiyat taraqqiyotida matematikaning ahamiyatini anglash, ijtimoiy-iqtisodiy munosabatlar, kundalik hayotda matematik bilim va kо‘nikmalarni muvaffaqiyatli qо‘llashga о‘rgatish; о‘quvchilarning individual xususiyatlarini rivojlantirgan holda, mustaqil ta’lim olish kо‘nikmalarini shakllantirish;
fanlar integrasiyasini inobatga olgan holda о‘quvchilarda, milliy va umuminsoniy qadriyatlarni, kreativlikni shakllantirish hamda ongli ravishda kasb tanlashga yо‘naltirishdan iborat.

2. TAYANCH VA FANGA OID KOMPETENSIYALAR

O‘zbekiston Respublikasida ta’limning uzluksizligi, uzviyligi, о‘quvchi shaxsi va qiziqishlari ustuvorligidan kelib chiqib, ularning yosh xususiyatlariga mos ravishda quyidagi tayanch kompetensiyalar shakllantiriladi.
Kommunikativ kompetensiya — ijtimoiy vaziyatlarda ona tilida hamda birorta xorijiy tilda о‘zaro muloqotga kirisha olishni, muloqotda muomala madaniyatiga amal qilishni, ijtimoiy moslashuvchanlikni, hamkorlikda jamoada samarali ishlay olish layoqatlarini shakllantirishni nazarda tutadi.