O‘zbekiston respublikasi xalq ta’limi

Ona tili ta’limining maqsad va vazifalari 
O‘zbekiston Respublikasining «Ta’lim to‘g‘risida»gi Qonuni 7-moddasida «Davlat ta’lim 
standartlari umumiy o‘rta ta’lim, o‘rta maxsus, kasb-hunar va oliy ta’lim mazmuniga hamda 
sifatiga qo‘yiladigan talablarni belgilaydi», - deyilgan. Yoquvchining bilim saviyasiga 
qo‘yiladigan talab esa, ta’lim jarayoni oldiga qo‘yiladigan ijtimoiy talab bilan belgilanadi. 
Shunday ekan, Davlat ta’lim standartlari, shu jumladan, ona tili Davlat ta’lim standarti ham 
ta’lim jarayoni oldiga qo‘yilgan ijtimoiy talablardan kelib chiqqan holda belgilab berildi. Ona tili 
ta’limi oldiga qo‘yilgan ijtimoiy buyurtma o‘quvchi shaxsini fikrlashga, o‘zgalar fikrini anglashga va 
shu fikr mahsulini og‘zaki hamda yozma shaklda savodli bayon qila olishga, ya’ni kommunikativ 
savodxonlikni rivojlantirishga o‘rgatishdan iborat. Shundan kelib chiqqan holda ona tili ta’limi 
oldiga ijtimoiy jihatdan mukammal shakllangan, mustaqil fikrlay oladigan, nutq va muloqot 
madaniyati rivojlangan, savodxon shaxsni kamol toptirish maqsadi qo‘yiladi. 
Shu maqsadga ko‘ra ona tili ta’limining mazmuni: 
- o‘quvchining fikrlash salohiyatini, aqliy rivojlanishini, mantiqiy tafakkurini o‘stirish; 
- o‘quvchilarni o‘z-o‘zini, moddiy borliqni tilning ifoda vositalari yordamida anglashga 
hamda o‘z fikri va his–tuyg‘ularini ona tilining keng imkoniyatlari doirasida bayon eta olishini 
ta’minlash vazifalarini hal etishga yo‘naltiriladi. 
Standartlashtirishning umumiy talab va mezonlariga ko‘ra ona tili ta’lim standarti kommunikativ 
modelga asoslangan ta’lim mazmunidan kelib chiqib belgilab berildi. 
Ona tili ta’lim standarti ona tilidan belgilanadigan ta’lim mazmunining ijtimoiy talab 
taqozo qilgan majburiy hajmini hamda o‘quvchilarning yoshi va taraqqiyot darajasi, ehtiyoj 
va imkoniyatlarini hisobga olgan holda tanlanadigan o‘quv yuklamasining hajmini, 
umumiy o‘rta ta’lim maktablari bitiruvchilarining bilim, ko‘nikma, malakalariga 
qo‘yiladigan talablarni belgilab beradi. 
Ona tili ta’limi natijasida o‘quvchilar egallagan bilim, ko‘nikma va malakalar 
uch parametrli standar t ko‘rsatkichlar asosida tekshiriladi va aniqlanadi.