O‘zbekiston kechagi O‘zbekiston emas. Bugungi xalqimiz ham kechagi xalq emas

Yangi O‘zbekiston ­– yangi maqsadlar.

“ O‘zbekiston – kechagi O‘zbekiston emas.

Bugungi xalqimiz ham kechagi xalq emas.”
Sh.Mirziyoyev
Bugungi kunda zamon va insoniyat rivojlanib borar ekan, hayotda yashash va jon saqlab qolish qiyinlashib boraveradi. Hozirgi ilm-fan rivojlanib borayotgan bir davrda, shunchaki tomoshabin bo‘lib o‘tirish yaramaydi. Rivojlanib kelayotgan davlatlar orasida bizning yurtimiz yetakchi o‘rinlarda bo‘lishi xalqimizning bilim darajasi va moddiy ahvoliga bog‘liq. Xalqimizning bilim darajasi oshishi yoshlarning bilim olish saviyasiga ahamiyat berish lozim.
Hayot davom etar ekan unda qiyinchiliklar yo'qotishlar, mag'lubiyatlar, g'alaba, muvaffaqiyat bo'lishi tabiiy. Mana shunday qiyinchiliklarga bardosh berib, matonat bilan sabr qilib , "Yangi O'zbrkiston"ni yaratgan xalqimiz, bugungi kunda tinch va osoyishta Vatanda yashamoqda. “Yangi O'zbekiston”ning Yangi O'zbekiston bo'lishida xalqimizning o'rni beqiyosdir. O'zbekistonning yangi porloq kelajagini qurishda tarixga ham bir nazar tashlab quyishimiz foydadan holi bo'lmaydi. Zero, tarixsiz kelajak bo'lmaydi. Tarixga bir nazar tashlab ekanmiz , unda buyuk ajdodlarimizning Vatan oldidagi muqaddas burchlarini, jonini berib bo'lsada, bajarganlarini, xalqi, yurti ozodligi uchun kurashganlarini ko'rishimiz mumkin. Ajdodlarimizning bunday buyuk ishlari tarix varaqlariga oltin harflar bilan muxirlangan. Ularni qancha ko'p yod etsak, shuncha kamdek go‘yo. O'zbekiston - kelajagi buyuk davlat. Uni biz har qadamda, yurtimizning har kunlik faoliyatida sezib, ko'rib turibmiz. O'zbekistonning kelajagi biz yoshlar qulida. Shunday ekan, milliy istiqlol g'oyasini qalbimiz va ongimiz bilan his etib, milliy qadriyatlarni, tariximizni sevib o'rganishimiz, ularga sodiq bo'lishimiz kerak.
Tinch va osoyishta, yilda to'rt fasli bor, hatto qishlarida bahor shivirlaydi, tongda bulbullar madh etadigan, jannatning bir bo'lagi bo'lmish O'zbekistonda yashayotganimiz - baxt. Mana shunday yurtda yashayotganimiz uchun shukur aytmog'imiz kerak. Vatan bizlar uchun berilgan ulug' ne'matdir. Shunday bo‘lsada, tangani ikki tarafi bor deganlaridek, yaxshi va yomon odamlar bor. Tinch va osoyishta yurtning tinchligini ko‘rolmaydigan niyati buzuq insonlar ham bor. Dinni niqob qilib, yoshlar ongini zaharlab, nafaqat yoshlarni balki, katta yoshli insonlarni ham ongini zaharlab ularni qurolga aylantirib, tinchlik kushandalari bo‘lib kelayotgan insonlar ham yo‘q emas. Mana shunday, terroristik oqimlarga ba’zi sodda insonlarning adashib qolishi, ularning bilimsizligi sababi.
Mana shunday, dinni niqob qilib olgan terroristik oqimlarning qurboni bo‘lib qolmasligimiz uchun bilimimiz yetarli bo‘lishi lozim. Buning uchun biz bilim olishdan va izlanishlardan to‘xtamasligimiz kerak. Zero, kelajak biz yoshlarning qulida.
Xulosa o‘rnida shuni aytish kerakki, vatan ravnaqi uning farzandlariga, ularning ma’naviy va jismoniy kamolotiga bevosita bog‘liq. Bu o‘z navbatida har bir yurtdoshimizning zimmasiga yuksak fuqarolik mas’uliyatini his etishga, o‘z manfaatlarini shu yurt shu xalq manfaatlari bilan uyg‘unlashtirib yashashga da’vat etadi!