O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

О‘quv rejasidagi boshqa fanlar bilan aloqasi

Mazkur fan о‘quv rejadagi umumkasbiy (hayvonlar anatomiyasi, topografik anatomiya, hayvonlar fiziologiyasi, hayvonlar patofiziologiyasi; klinik diagnostika, veterinariya xirurgiyasi; veterinariya akusherligi va h.k.) va ixtisoslik (ichki yuqumsiz kasalliklar va epizootologiya h.k) fanlari bilan uzviy bog’lanib, yetarli bilim va kо‘nikmalarga ega bо‘lishlik talab etiladi.

«Operativ xirurgiya anesteziologiya» fani talabalarga fan sifatida hayvonlarda xirurgik operatsiyalarni о‘tkazish uchun nazariy va amaliy bilim olishga imkon yaratadi.


Fanning ishlab chiqarishdagi о‘rni

Ichki yuqumsiz kasalliklar 90-95 % ni tashkil qiladi, shulardan 40-50 % xirurgik kasalliklar uchrab turadi va ular fermer va shaxsiy xо‘jaliklarga katta iqtisodiy zarar yetkazadi. Shuning uchun «Operativ xirurgiya anesteziologiya» fani asosiy umumkasbiy fan hisoblanadi va ishlab chiqarishda katta ahamiyatga ega.

Fanni о‘qitishda zamonaviy axborot va pedagogik texnologiyalar

Talabalarning «Operativ xirurgiya va anesteziologiya» fanini о‘zlashtirishlari uchun о‘qitishning ilg’or va zamonaviy usullaridan foydalanish, yangi informasion-pedagogik texnologiyalarni tadbiq qilish muhim ahamiyatga egadir. Fanni о‘zlashtirishda darslik, о‘quv va uslubiy qо‘llanmalar, ma’ruza matnlari, tarqatma materiallar, elektron materiallar, virtual stendlar hamda ishchi holatdagi xirurgiya asbob-anjom va qurilmalarning ishlab chiqarishdagi namunalari va maketlaridan foydalaniladi. Ma’ruza va amaliy darslarida mos ravishdagi ilg’or pedagogik texnologiyalardan foydalaniladi.

«Operativ xirurgiya va anesteziologiya» kursini loyixalashtirishda quyidagi asosiy konseptual yondoshuvlardan foydalaniladi:
Shaxsga yunaltirilgan ta’lim. Bu ta’lim о‘z moxiyatiga kо‘ra ta’lim jarayonining barcha ishtirokchilarini tо‘la qonli rivojlanishlarini kо‘zda tutadi. Bu esa ta’limni loyixalashtirilayotganda, albatta, ma’lum bir ta’lim oluvchining shaxsini emas, avvalo, kelgusidagi mutaxassislik faoliyati bilan bog’liq о‘qish maqsadlaridan kelib chiqqan xolda yondoshishni nazarda tutadi.