O`zbekiston respublikasi

Qo`shma  korxonalar  —  bu  ikki  yoki  undan  ortiq  yuridik  shaxs,  ya`ni, 

korxonalar  mulkini  qo`shish  yo`li  bilan  tashkil  qilingan  korxonalardir.  Ammo, 

amaliyotda  xo`jalik  subyektlarining  xorijiy  sheriklar  bilan  birgalikda  tashkil 

qilayotgan  korxonalarigina  qo`shma  korxona  deb  aytilmoqda.  Bu  korxonalar 

mamlakatimizga xorijiy texnologiya, boshqaruv tajribasi va qo`shimcha moliyaviy 

resurslarni (investitsiyani) olib kiradi va eksportni ko`paytirish imkonini beradi. 

Qo`shma  korxonalar  cheklangan  javobgarlikka  ega  bo`lgan  jamiyat 

(mas`uliyati  cheklangan  jamiyat  —  MChJ),  hissadorlik  jamiyati  hamda  qonun 

tomonidan cheklanmagan boshqa shakllarda, soni cheklanmagan, ammo ikkitadan 

kam  bo`lmagan  sheriklar  o`rtasida  tuzilgan  shartnoma  asosida  bunyod  etiladi, 

qo`shma  korxona  ta`sischilari  har  ikkala  tomondan  ham  yuridik  yoki  jismoniy 

shaxs bo`lishi mumkin. 

Qo`shma  korxona  xo`jalik  yuritish  subyekti  hisoblanadi  va  faoliyati 

daromad  olishga  yo`naltirilgan  bo`lib  qaysi  mamlakat  hududida  tashkil  etilgan 

bo`lsa, o`sha mamlakat qonunlari asosida faoliyat ko`rsatadi va soliq to`laydi.