O‘зbekiстон рeспublikaсi

LEGALLASHTIRISH – 
1) muayyan tashkilot faoliyatiga ruxsat berish, biror-bir hujjat, 
xarakatga yuridik kuch berish. 2) hujjatlardagi imzolarning haqiqiyligini tasdiqlash. CHet elda 
tuzilgan yoki chet davlatda amalda bo‘ladigan hujjatlar legallashtirilishi lozim. Konsulning 
hujjatlardagi ustxatini guvohlantirish shaklida amalga oshiriladi. YUridik fanda noqonuniy yo‘l 
bilan qo‘lga kiritilgan mablag‘ va mulkni legallashtirish va jinoiy daromadlarni legallashtirish 
kabi tushunchalar mavjud. (9)
 
LEGITIMLIK 
(lotin. legitimus-qonunga muvofiq, qonuniy)-davlatda faoliyat olib 
borayotgan hokimiyat institutlarining mamlakat aholisi, uning katta guruhlari, jamoatchilik (shu 
jumladan chet el jamoatchiligi) tomonidan ijobiy baholanishi, ularning qonuniyligi tan olinishini 
anglatadigan siyosiy huquqiy tushuncha. Legitimlik to‘g‘risidagi masala odatda inqilob yoki 
to‘ntarish natijasida hukumat almashganida ko‘tariladi. (1) 
LIBERALIZM 
– siyosiy oqim va mafkuraviy yo‘nalish bo‘lib, siyosiy hayotni shaxs 
huquqlari ifodasi va himoyasi bilan chambarchas bog‘liqlikda bo‘lgan jarayon sifatida qaraydi.
Liberalizmning ijtimoiy asosi – individualizm bo‘lib, siyosiy jihatdan erkin va faol 
individ ijtimoiy va siyosiy hayot markazidagi asosiy richag sifatida qaraladi. Libbralizmning 
asosiy prinsiplari insonning yashash huquqi, erkinligi, mulki, qonun oldida tengligi, xavfsizligi, 
normal hayot darajasining ta’minlanishi, shuningdek, individ erkinliklarini himoya qilish mavjud 
davlat hokimiyatining asosiy funksiyasi, davlat faoliyati mexanizmining uch asosiy – qonun 
chiqaruvchi, sud va ijro etuvchi tarmoqlarga bo‘linishini ta’minlash, jamiyatda davlat faoliyati 
chegarasining aniq mavjudligi, ya’ni davlatning jamiyat a’zolari shaxsiy hayotiga hamda ular 
orasidagi iqtisodiy munosabatlar jarayoniga aralashmasligi; erkin bozor iqtisodiyotining 
jamiyatda iqtisodiy munosabatlarning tartibga solinishi; jamiyat a’zolari huquqlari va ularning 
imkoniyati tengligi hamda anna shu imkoniyat darajasidan kelib chiqib, har bir individ erkin 
fuqarolik jamiyati sharoitida o‘z salohiyatini realizatsiya qila olishining kafolatlanishi 
hisoblanadi. (1)