Oʻzbekiston respublikasi turizm va sport vazirligi

Kurs ishining maqsadi. Salomatlikning yaxshi ahvolini, nisbatan yuqori ish qobiliyati va jismoniy tayyorgarlik darajasini imkon qadar uzoq vaqt saqlab qolish. Organizmning yurak-qon tomir, nafas olish va boshqa tizimlarini, shuningdek tayanch-harakat apparatini jismoniy yuklamaga moslashtirish. Charchashning rivojlanishiga yo'1 qo’ymaslik, organizmning funksional holatini yaxshilash, ishchi ritm, sur’at, diqqat-e’tibor konsentratsiyasini yuksak darajada saqlab turish, gavdaning ishchi vaziyati va kasbiy faoliyatning salbiy oqibatlarini bartaraf etish, harakat tanqisligini ma'lum darajada bartaraf etish.
Kurs ishining vazifalari. Tadqiqot oldiga qo‘yilgan maqsaddan kelib quyidagi vazifalarni hal etildi;

• 
  ish qobiliyati pasayishining oldini olish;
  
• 
  ish kuni tugagandan keyin kuchni tiklash;
  
• 
  mehnatning noqulay va bir tomonlama omillariga qarshi yo’naltirilgan profilaktikani amalga oshirish asosida yuqori kasbiy tayyorgarlikni saqlab turish;
  
• 
  salomatlikni mustahkamlash;
  
• 
  jismoniy rivojlantirish;
  
• 
  jismoniy tayyorgarlikni oshirish;
  
• 
  yurak-qon tomir tizimlarini chiniqtirish;
  

Kurs ishining nazariy ahamiyati. Jismoniy tarbiya sohasidagi havaskorlik ishlari sport jamiyatlarining bir o’zidagina o’tkazilmaydi. O’zbekistonda jismoniy tarbiya xalq hayotiga, har bir oila, uning har bir a’zosi turmushiga mehnatkashlarning o’zlari tomonidan faol kuch-g’ayrat sarflash (ertalabki sog’lomlashtirish gimnastikasi, ishlab chiqarishdagi jismoniy mashqlar va boshqa ommaviy sog’lomlashtirish tadbirlari) yo’li bilan joriy etiladi. Bunday jismoniy tarbiya ishi har bir mehnatkashning jismoniy tarbiya savodini muntazam ravishda oshirib borishni talab etadi. Bu vazifa maktabgacha tarbiya muassasalari, maktablar, oliy o’quv yurtlari va jamoat jismoniy tarbiya tashkilotlari, jismoniy tarbiya jamoalari, sport klublari, salomatlik universitetlari va boshqa tashkilotlar tomonidan, shuningdek, mehnatkashlarning mustaqil o’qishlari yo’li bilan hal etiladi.