O'zbekiston respublikasi turizm va sport vazirligi

7.2. Krossning turlari

Kross yugurishlari kuz va baxor fasllarida kо‘proq tashkil etiladi. Uning yugurish masofalari о‘quvchi yoshlarning yoshi, jinsiga qarab xar hil bо‘ladi. О‘rta yoshdagi о‘quvchilar uchun 500 m., katta yoshdagi о‘quvchilar uchun 1000, 2000 m. belgilanadi. О‘smirlar va katta yoshdagi kishilar uchun esa kross masofasi 3000 m.ni tashkil etadi.

Kross yugurish tarkibiga kirmasada, marsh-brosok (turli tо‘siqlardan о‘tib yugurish) yugurishi aynan krossga о‘xshaydi. Faqat yugurish masofasi (ayollar 5 km, erkaklar uchun 8 km) hamda yugurish joylari farq qiladi.

Kross yugurishlari asosan ochiq dala, istirohat bog‘lari, keng maydonlarda, shahar sharoitida esa katta kо‘chalarda tashkil etiladi. Bunday sharoitlarda ariqlar, kichik soyliklar, baland bо‘lmagan tepaliklar, burilishlar, ba’zi tabiiy tо‘siqliklar bо‘lishi kerak.

Sо‘nggi yillarda umumta’lim maktablar, ba’zi о‘rta maxsus, oliy о‘quv yurtlarida kross yugurishlarini о‘zlarining о‘quv binosi, sport maydonlari va ularga yaqin bо‘lgan qulay joylarni qо‘shib о‘tkazish amaliyoti keng qо‘llanilmoqda. qishloq joylarda ham о‘zlarining yaqin atroflaridagi tekislik, past-baland, tog‘li joylarida krossni yaxshi tashkil qilmoqda.

Ta’kidlash lozimki, kross yugurishlarida chidamlilik, chaqqonlik va irodaviy sifat hamda fazilatlar kо‘proq talab etiladi. Shu sababdan о‘quvchi yoshlarni kross yugurishlariga qiziqtirish, ular bilan tez-tez musobaqalar tashkil qilib turish lozim. Ayniqsa, kross yugurishlarining sog‘likni yaxshilash, chiniqtirish va harbiy xizmatlarni о‘tashdagi ijtimoiy-tarbiyaviy ji-xatlarini nazariy hamda amaliy jihatdan singdirib borish lozim bо‘ladi. Shu jihatdan olganda akademik litseylar, kasb-hunar kollejlarining о‘quvchi-talaba yoshlari kross yugurishlarining mohiyatlarini izchil о‘rganish, ularni amalda bajarish yо‘llarini egallash va eng muhimi о‘zlarining kross yugurishlaridagi amaliy-jismoniy tayyorgarliklarini mustahkamlashlari maq-sadga muvofiqdir. Chunki, о‘zlarining mehnat jarayonlari va ijtimoiy tur-mush sharoitlarida kross yugurishlari zarur bо‘ladi.