O'zbekiston respublikasi turizm va sport vazirligi

Badiiy gimnastika. Gimnastikaning bu turi bilan faqat xotin-qizlar shug‘ullanishadi. Bunda asosan Ittifoq gimnastikachilari, hozirgi davrda Rossiya sportchilari jahonda ustunlik qilishgan. О‘zbekistonda ham badiiy gimnastikaning о‘ziga xos usullari mavjud bо‘lib, u milliy raqslar bilan boyitilmoqda. Shu sababli о‘zbek badiiy gimnastika sport maktablari yaratilib, Xorazm, Navoiy, Buxoro va boshqa viloyatlarning markazlarida iqtidorli о‘zbek qizlari yetishib chiqmoqda.

Gimnastikaning bu turi yoqimli va jozibali shо‘x musiqa sadolari ostida nafis harakatlar, nazokatli burilishlar, akrobatik sakrashlar, aylan-ishlar yoqimli tabassum bilan ijro etiladi. Mashqlar narsasiz (predmetsiz) va turli hil tо‘plar, lentalar, chambarak va boshqa predmetlar (asboblar) bilan bajariladi.

Gimnastika mashqlarini bajarishni ilk davrda boshlaganlar asosan erkin mashqlar shaklidagi harakatlarni ijro etishi va о‘zlari yoqtirgan musi-qa, qо‘shiqlar sadosida harakatlar qilishni о‘rganishlari zarurdir.

О‘rta maxsus о‘quv yurtlaridagi “Jismoniy tarbiya” dasturidan о‘rin olgan badiiy gimnastika mashqlarini ritmik gimnastika (aerobika) mashqlari bilan ulashib, qо‘shib olib borilishi va guruh bо‘lib (8-10 kishi) bajarish maqsadga muvofiqdir. Bunda “Tanovor”, “Namanganning olmasi”, “Andijon polkasi”, “Xorazmcha lazgi” va hozirgi zamonaviy boshqa milliy raqslarni qо‘llash lozim bо‘ladi.

Ma’lumki aerobika (ritmik gimnastika) turli hil jismoniy mashq-larni musiqa jо‘rligida tez va nazokat bilan bajarish jarayonidir. Shu sababli bu tur sо‘nggi 15-20 yil ichida О‘zbekistonda asosan xotin-qizlar orasiga ancha singib bormoqda. Ularning bajarilish usullari va mashqlarini shakllari tetiklik, jismoniy rivojlanish, ruhiy oziqlanish kabi jismoniy sifatlar va fazilatlarni tarbiyalash, ularni rivojlantirishda ijobiy samaralar bermoqda. Bugungi kunda sportning bu turi bilan yosh qizlar, katta yoshdagi ayollar ham shug‘ullanishlarini hayotning о‘zi taqazo etmoqda. Ularning namunaviy shakillarini respublika telekanalalrida namoyish etilayotgan ertalabki gimnastika dasturlaridan andoza olish, imkoniyat darajasida birgalikda bajarish lozimdir. Bunday ijtimoiy-tarbiyaviy jihatlarni barcha talaba-о‘quvchi yoshlar yaxshi о‘zlashtirishlari, kelgusi hayotida oilada amaliy jihatdan qо‘llashlari maqsadga muvofiq bо‘ladi.