O‘zbekiston Respublikasi Sog‘liqni Saqlash Vazirligi ToshkentTibbiyot Akademiyasi Tibbiy-pedagogika fakulteti

Holsizlantiruvchi yoki gektik isitmalashda tana haroratining me’yoridan yuqoridagi kunlik tebranish darajasi 3-5⁰S tashkil etadi. Bunday isitmalash sil va sepsis kasalliklarida uchraydi.

O‘zgargan shakldagi isitmalashda ertalabki tana haroratining kechkiga nisbatan yuqori bo‘lishi kuzatiladi (sog‘lom odamlarda tana harorati ertalab kechkiga nisbatan pastroq bo‘ladi). Bu turdagi isitmalash sil, sepsis va yomon sifatli o‘smalarda bo‘lishi mumkin.

Noto‘g‘ri isitmalash tana haroratining kecha kunduz ko‘tarilishidagi mutonosiblikning yo‘qolishi bilan xarakterlanadi. Bunday turdagi isitmalash meningit, gripp va boshqa kasalliklar uchun xosdir


Obe’ktiv tekshirish quyidagi tartibda o‘tkaziladi hamda ularning har biriga sinchkovlik bilan alohida ahamiyat beriladi.

teri ko‘rigi (toshmalar);

- burun bo‘shlig‘i atrofi ko‘rigi va palpatsiyasi;

- og‘iz bo‘shlig‘i va tishlar ko‘rigi (periodontit);

- yurak auskultatsiyasi (yurak va perikard ishqalanish shovqinlari;

- nafas yo‘llari tekshiruvi (o‘pka to‘qimasining qattiqlashish belgilari, plevrit);

- qorin sohasi ko‘rigi va palpatsiyasi (jigar, taloq va buyrak paypaslanganda ularning kattalashishi va og‘riqli sohalarning aniqlanishi);

- rektal va vaginal tekshiruv;

- limfa tugunlari palpatsiyasi;

- oyoq tomirlari ko‘rigi (tromboz).

Laborator va asbobiy tekshiruvlar

Asosiy laborator va asbobiy tekshiruvlar:

- umumiy qon taxlili (gemoglobin, rang ko‘rsatkich, leykotsitlar, EChT);

- siydik taxlili (umumiy taxlil va uni ekish);

- qon biokiyoviy taxlili;

- qonni ekish;

- ko‘krak qafasi va burun bo‘shliqlari rentgenografiyasi;

- axlatni mikroskopik tekshirish va ekish;

- balg‘am taxlili (agar bo‘lsa);

- qorin tifi, yuqumli mononukleoz, brusellez, sitomegalovirusli infeksiya, toksoplazmoz va zahmni tashxislashdagi o‘tkaziladigan maxsus tekshiruvlar;

- OITS antitelasiga qon taxlili;

- immunnologik buzilishlarni aniqlash uchun o‘tkazilishi lozim bo‘lgan tekshirishlar [revmatizm, sistemali qizil volchanka (SQV) va boshqalar];

- tuberqo‘linli sinama;

- oshqozon ichak tizimini rentgenokontrast tekshiruv;

- ultra tovush tekshiruvi

- hosiladan punksiya qilib olingan materialni sitologik tekshirish;

- laparoskopiya;

- biopsiya, masalan kattalashgan limfa tugundan, teri, jigar, suyak ko‘migidan gistologik tekshirish uchun.

Yuqorida sanab o‘tilgan laborator – asbobiy tekshiruvlar u yoki bu kasallikka xos anamnez, klinik belgilar bo‘lganda uni tasdiqlash uchun aniq ko‘rsatmalar asosida o‘tkaziladi