O’zbekiston respublikasi sog’liqni saqlash vazirligi tibbiy ta’limni rivojlantirish markazi toshkent pediatriya tibbiyot instituti

DAVOLOVCHI JISMONIY TARBIYA 
Ginekologik kasalliklarni davolashda asosiy masalalar. 

---

31 
Ginekologik kasalliklarni davolashda asosiy masala- kichik chanoq bo’shlig’i 
a’zolarida qon va limfa almashinuvini yaxshilashdir. Buni amalga oshirish uchun 
chanoq mushaklari ayollar jinsiy a’zolari bilan funktsional va reflektor bog’liq bo’lgan 
mushaklarni dinamik mashqlaridir. Bu mushaklarni faol ishlatish almashinuv va 
reparativ jarayonlarni yaxshilaydi, operatsiyadan keyin hosil bo’lgan bitishmalarni
yo’qolishiga olib keladi. Asosiy e’tibor bachadon boylami apparatini mustahkamlash 
va ichak funktsiyasini faollash uchun qorin pressiga qaratiladi. Bu yana kichik chanoq 
mushaklari va diafragma ishini yaxshilaydi. Bel soxasi va qorin pressi shu sohadagi 
og’riq sindromini kamaytiradi. Chanoq asosi mushaklarni yaxshi funktsional holatini 
saklash uchun izometrik mashqlar buyuriladi. Chanoq asosi mushaklari bo’sh 
bo’lganda ayolning ichki jinsiy a’zolari normal holatini saqlab qolmaydi, bu esa 
ularning funktsiyasini buzadi. Chanoq diafragmasini mustaxkamlash kichik chanoq 
bo’shlig’idagi barcha patologik holatlarning aktual masalasidir. Davolovchi 
gimnastika mashqlariga diafragma harakatini ta’minlovchi mashqlar albatta 
qo’shiladi. Bu qorin bo’shlig’i bosimini regulyatsiya qilib, qorin va chanoq bo’shlig’i 
a’zolarida qon aylanishni yaxshilaydi.
GINEKOLOGIK KASALLIKLARDA DAVOLOVCHI BADANTARBIYA (DB) 
Ayol organizmidagi funktsioanl va orgpanik buzilishlarni davolashda DB ni 
qo’llash tarixdan ma’lum.
DB bilan shug’ullanishga ko’rsatma:

Yallig’lanish jarayoning qoldiq belgilari

Surunkali salpingoofarit 

Bachadonning noto’g’ri holati, bachadon va uning ortiqlaridagi operatsiya yoki 
yallig’lanishdan keyingi paydo bo’lgan chanoq peritoneal bitishmalar tufayli 
tuxumdonlar disfunktsiyasi

Genital infantizm, bachadon gipoplaziyasi 

Chanoq asosi mushaklari bo’shligi 

Kuchanganda siydikni tuta olmaslik 

Yo’g’on ichak va siydik pufagining yo’ldosh kasalliklari 

Og’riq sindromi 

---

32 

Klimakterik buzilishlar 

Gipodinamiya bilan bog’liq ish qobiliyatini pasayishi 

Reaktiv nevrozsimon holatlar