O’zbekiston respublikasi sog’liqni saqlash vazirligi tibbiy ta’lim rivojlantirish markazi

Ayollarni tug’ruqxonadan chiqarishning asosiy kriteriyalariga  kiradi: 
qoniqarli umumiy holati, tana haroratining, tomir urishining, qon bosimining, 
ko’krak osti bezlari holatining, bachadon holatining me'yorda bo'lishi va 
laboratoriya tekshiruv natijalarining ijobiy bo'lishi. 
Ekstragenital kasalliklari   aniqlanganda tuqqan ayollar boshqa  mos 
keladigan kasalxonaga o’tkazilishi yoki asorat kuzatilgan xolda observasiya 
bo'limiga joylashtirilishi mumkin.  
Onalar va bolalarga ko'rsatiladigan tibbiy xizmatni samarasini ko'tarish 
maqsadida 2003 yil 13 noyabrda 500-sonli "Perinatal yordamni sifatini oshirish va 
kasalxonada  ichki infeksiyani oldini olish borasida tug’ruqxonalar ishini 
takomillashtirish" to'g'risida buyruq  qabul  qilindi va quyidagi vazifalar belgilandi: 
- kasalxonada akusherlik xizmatini tashkillashtirish va akusherlik kompleksi 
tarkibiy qismlarini qaytadan ko'rib chiqish; 
-  tug’ruqxonalarda  yangi  tug'ilgan  chaqaloqlarga  tibbiy  xizmatni 
tashkillashtirish; 
- tug’ruqxonalarda ichki infeksiyani tarqalishini oldini olish bo'yicha 
profilaktik tadbirlar o’tkazish; 
- tug’ruq  qabul qiluvchi muassasalarning material-texnik bazasini sistematik 
ravishda kengaytirib borish tadbirlarini qo'llash; 
- epidemiyaga qarshi va profilaktik tadbirlar olib borish maqsadida tug’ruq 
komplekslari shtatlarini epidemiologlar bilan ta'minlash. 
Bo'lim mudiri ko’rigi kvartalda 1 marta tashkil qilinadi. Bo'lim mudirasi 
xodimlar orasida stafilokokk tashuvchilarini aniqlash   maqsadida tekshiruv 
ishlarini tashkillashtiradi.  Kasalxonada  ichki  infeksiya  tarqalgudek  bo’lsa, 
tug’ruqxonaga qabul to’xtatiladi.  
Tug’ruqxonada epidemiologik tartibga rioya qilinishi territorial boshqaruv 
xizmati tomonidan amalga oshiriladi.