O’zbekiston respublikasi sog’liqni saqlash vazirligi tibbiy ta’lim rivojlantirish markazi

Yangi tug'ilgan chaqaloqlar bo'limi  birinchi  va  ikkinchi akusherlik 
bo'limlarida tashkil qilinadi. Bu bo'lim tug’ruqxonadagi barcha bo'limlardan 
alohida ajratilgan bo'lishi kerak. Chaqaloqlar bo'limga qat'iy rioya asosida siklik 

---

139 
 
ravishda joylashtiriladi. Chaqaloqlar yurgaklanadigan stollar oson yuviladigan 
matodan qilinishi lozim, palatalar bakteriasid chiroqlar yordamida nurlantirib 
turilishi shart. 
Ginekologik bo'lim  uchta  yo'nalishga  ega:  jarroxlik  yo'li  bilan 
davolanadigan, konservativ davolanadigan va xomilani tushirish uchun kelgan 
bemorlar. Ginekologik bo'lim tarkibiga: o'zining qabul bo'limi, bog’lov xonasi, 
manipulyasiya, kichik va katta jarroxlik xonalari kiradi. Yirik shaharlarda 
tug’ruqxonalarning  biror bo'limida ginekologik kasalliklari bor qizlar uchun 
bo'lim ajratiladi. 
Epidemiyaga qarshi  o'rnatiladigan tartib.  
Tug’ruq qabul qiluvchi muassasalarning o’ziga xos xususiyatlaridan biri 
tug’ruqdan keyingi davrda yuqumli kasalliklarga tez beriluvchan chaqaloqlar va 
ayollarning bo'lishidir. Shuning uchun bunday muassasalarda o’z vaqtida gnoy-
septik kasalliklarni aniqlash, ajratib qo’yish, bakteriya tashuvchilarni erta aniqlash, 
sanasiya o’tkazish, tibbiy xodimlarni qo’llari va operasiya qilinadigan teri yuzasini 
zararsizlantirish usullari, bel'yolarni,  instrumentlarni, bog’lov moslamalarini, 
shprislarni sterillash, atrof-muhitni dezinfeksiya qilish kabi kompleks sanitar-
gigienik tadbirlar olib borilishi lozim. 
Bo'lim mudiri ko’rigi kvartalda 1 marta tashkil qilinadi. Bo'lim mudirasi 
xodimlar  orasida  stafilakkok  tashuvchilarini  aniqlash  maqsadida  tekshiruv  
ishlarini tashkillashtiradi.  Kasalxonada  ichki  infeksiya  tarqalgudek  bo’lsa, 
tug’ruqxonaga qabul to’xtatiladi. 
Tug’ruqxonada epidemiologik tartibga rioya qilinishi territorial boshqaruv 
xizmati tomonidan amalga oshiriladi.