O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Eksperiment – yaratilgan yangilik, gipoteza, g’oyalarni sinov- tajribadan o’tkazish metodi.
Ekspert – kuzatuvchi, tahlil qiluvchi, tekshiruvchi, xulosa chiqaruvchi, tavsiya beruvchi, taklif va mulohaza bildiruvchi shaxs.
Yangi axborot texnologiyalari – kommunikatsiya texnologiyalari asosida turli metod, vositalar asosida olingan axborotlarni qabul qilish, qayta ishlash asosida ta’lim jarayoniga yo’naltirish.
O’zlashtirish – tushunish, o’rganish orqali axborotning mazmuni, undan foydalanish yoki harakatlarni bajarish tartibi to’g’risida bilim va ko’nikmalar hosil qilish, muayyan xatti-harakat va xulq-atvor usullarini egallash jarayoni.
O’rganish – axborotdan foydalanish va turli harakatlarni ko’rsatilgan tartibda mustaqil bajarish ko’nikmalarini egallash, takrorlay olish, faoliyatidan iborat jarayon.
O’rgatish – o’quvchilarda axborotdan foydalanish, xulq- atvor ko’nikmalari va odatlarini shakllantirish maqsadida amalga oshiriladigan harakat, turli vosita va usullarni qo’llab tushuntirish, amaliy mashqlar orqali ko’rsatish jarayoni.
O’qitish- ta’lim oluvchining bilish faoliyatini boshqarishga qaratilgan o’qituvchining faoliyati.
O’qituvchi– pedagogik-psixologik va mutaxassislik yo’nalishlari bo’yichamaxsus ma’lumot, kasbiy tayyorgarlik va ma’naviy-axloqiy sifatlarga ega, ta’lim muassasalarida ta’lim-tarbiya berish faoliyati bilan shug’ullanish huquqiga ega, o’quvchilar tomonidan ta’lim
mazmunining o’zlashtirilishini ta’minlovchi, o’quvjarayoniga rahbarlik qiluvchi shaxs.
O’quvchi shaxsiga yo’naltirilgan ta’lim – o’quvchining o’quv- shaxsiy imkoniyatlariga moslashtirilgan pedagogik muhitni hamda ta’lim-tarbiya jarayonini tashkil etishni nazarda tutadi. Bu ta’lim texnologiyasida har bir o’quvchini o’rganish, tushunish, hurmat qilish, unga ishonish, ta’limni unga moslashtirish katta ahamiyatga ega.
Qiziqish – shaxs harakatiga sabab bo’ladigan faoliyat yo’nalishining ongli shakli.
Qobiliyat – ma’lum bir faoliyatni muvaffaqiyatli amalga oshirish uchun shart-sharoit yaratadigan, imkoniyat darajalarining ustunligini ifodalaydigan shaxsiy-individual xususiyatlar.