O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Evristik (haqiqatni topish) texnologiyalar yo’naltiruvchi savollar berish yo’li bilan ta’lim berish tizimi. Topqirlik, faollikni rivojlantirishga xizmat qiluvchi, o’quv-izlanish ta’lim metodi, optimallashgan (ko’p variantlardan eng ma’qulini, mosini, muvofiqini tanlash) tafakkurni rivojlantiradi.
Kreativ (ijodiy) texnologiyalar tadqiqot xarakteriga, xususiyatiga ega bo’lib, o’quvchilarda maqsadga yo’naltirilgan ijodiy tafakkurni jadal rivojlantiradi.
Pedagogik faoliyat – ta’lim maqsadlarini amalga oshirishga qaratilgan ijtimoiy faoliyatning alohida turi.
Reyting – o’quvfaoliyatiningmiqdoriyxarakteristikasi hisoblanadi. O’quvchilarning barcha faoliyat turlarini ballarda (qoidaga ko’ra 100 ballgacha) butun baholash.
Refleksiya – takrorlash, aks etish, o’z harakatlari va holatlarini
tahlil qilish, o’z-o’zini baholash.
Samaradorlik – sifatning umumlashgan o’lchovi. Samara deganda qo’yiladigan maqsadga to’la, mahsuldor yoki qisman natijali erishish tushuniladi. Ta’lim sifatining oqilona darajasiga erishish ta’limning asosiy maqsadi hisoblanadi.
Standart – ta’lim oluvchiga qo’yilgan minimal bilim, ko’nikma
va malaka talablari bo’lib, uning barkamol inson bo’lishining kafolati sifatida belgilanadi.
Subyekt – yunoncha 1- tashqi borliq (olam)ni bilishga intiladigan va o’z amaliy faoliyati bilan unga ta’sir ko’rsatadigan inson, 2 - qandaydir xususiyatlarni tashuvchi inson, shaxs.
Ta’lim – ta’lim oluvchilarni axloqiy, intellektual, jismoniy, kasbiy, madaniy rivojlantirishning yuqori darajasiga erishish maqsadida amalga oshiriladigan o’quv-tarbiyaviy jarayoni.
Ta’lim dasturi – ta’limning maqsadlari va aniq vazifalaridan kelib chiqqan holda, ma’lum daraja va yo’nalishdagi ta’lim mazmun- mohiyatini o’zida mujassam etgan dastur.
Ta’lim sifati – ta’lim jarayonining turli ishtirokchilari ta’lim xizmatlaridan kutganlarining qanoatlantirilishi darajasi yoki ta’limda qo’yilgan maqsad va vazifalarga erishish darajasi tushuniladi.
Tafakkur - inson aqliy faoliyatining oliy shakli, atrof-olamdagi o’zaro bog’langan narsa va hodisalarni bilish jarayoni, muhim hayotiy jarayonlarni his qilish, muammolarni hal etish, mavhum voqyea- hodisalarni anglash. Tafakkur hissiy bilish, tushuncha, hukm, xulosa shakllarida namoyon bo’ladi.