O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Bezatish talablari: informativlik, ixchamlik, oddiylik, qulaylik, tushunarlilik, ijodiy yondoshish, blokli joylashtirish, mantiqiy bog’liqlik.
“Aql xaritasi”ni tuzishda miyaning ikkala yarim shari ham faoliyatga jalb qilinadi. Bu texnika ko’p funksiyali hisoblanib, barcha bilish jarayonlarida – xotira, ijodiy fikrlash, o’qish va tafakkurning barcha shakllarida qo’llash mumkin.

6.1.-rasm

“Assesment” metodi. Assesment (ingl. “assessment” – baho, baholash, fikr) metodi talabalarning bilim, ko’nikma va malakalari darajasini har tomonlama, xolis baholash, rivojlantirish, istiqbol reja (maqsadli dastur)ni shakllantirish imkoniyatini ta’minlovchi topshiriqlar to’plamidir. Mazkur texnologiyaning yaratilish tarixi o’tgan asrning 30-40-yillariga borib taqaladi. Dastlab ushbu texnologiya mavjud harbiy vaziyatlarni to’g’ri baholay oladigan, harbiy harakatlar jarayonini samarali boshqaradigan, zarur o’rinlarda oqilona harakatni tashkil eta oladigan ingliz hamda nemis harbiylari orasidan bilimdon, tadbirkor, mahoratli harbiylar, shuningdek, ofitserlarni tanlash maqsadida qo’llanilgan.
Keyinchalik bu metod tadbirkorlik sohasida ham samarali tatbiq etildi. Assesment metodi birinchi marta 1954-yilda “AT&T” kompaniyasi tomonidan tadqiqot dasturlarini amalga oshirish doirasida qo’llanilgan.
To’rt yildan so’ng malakali menejerlarni tanlash maqsadida qo’llanila boshlangan ushbu metodnegizida tadbirkorlar va psixologlar bilan hamkorlikda mazkur texnologiya yordamida ishlab chiqarish, savdo, maishiy xizmat ko’rsatish korxonalari hamda tashkilotlar uchun malakali mutaxassislarni tanlash xizmati – “Assesment- markaz” (“The Assessment Centre”) faoliyati yo’lga qo’yildi.
So’nggi yillarda mazkur texnologiya ta’lim tizimiga ham samarali joriy etildi. Uning yordamida talabalarning bilim, ko’nikma va malakalari darajasi har tomonlama, xolis baholash amalga oshirilmoqda.
Metodning qo’llanishi. “Assesment” metodi o’quvmashg’ulotlarining barcha turlarida o’tilgan mavzuni o’zlashtirilganlik darajasini baholash, takrorlash, mustahkamlash uchun, oraliq va yakuniy nazorat o’tkazish uchun, shuningdek, yangi mavzuni boshlashdan oldin ta’lim oluvchilarning bilimlarini tekshirib, ko’nikma va malakalarini aniqlab olish uchun mo’ljallangan.
Ushbu metodni mashg’ulot jarayonida guruhiy yoki yakka tartibda, mustaqil ish topshirig’i yoki uyga vazifa sifatida ham qo’llash
mumkin. Bunda topshiriqlar shakli quyidagi ko’rinishda bo’ladi.