O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Liderlik – shaxsning odamlarni o’ziga ergashtira olish, ularni boshqara olish xususiyati; tashkilotchilik, rejalashtirish hamda nazorat qilish qobiliyati.
Mazmun – ilmiy bilimlar yig’indisi, amalda qo’llash uchun beriladigan ko’nikma va malakalar jarayonida o’quvchilar anglash, fikrlash, o’ylash, mulohaza yuritish orqali amalga oshiriladi.
Malaka – egallangan bilim va shakllangan ko’nikmalar asosida
avtomatlashgan, muayyan usul bilan yuqori darajada bajariladigan harakat, mashq qilish va tajriba hosilasi.
Malaka – shaxsning ma’lum kasbga yaroqlilik, tayyorgarlik darajasi, shu kasbda ishlashi uchun zarur bilim, ko’nikmalar yig’indisi. Kasbiy bilim va ma’lumotlarning tez ko’payib borayotgani hamda hayot tempining jadalligi ilgari o’zlashtirilgan malakaning yetishmasligini keltirib chiqaradi. Bu yetishmovchilik qayta tayyorlash va malaka oshirish orqali to’ldirib boriladi. Bu jarayon uzviy va uzluksiz davom etgandagina zamon talablari darajasidagi
malakani kafolatlaydi.
Malaka tavsifnomasi – mutaxassisning nazariy va amaliy bilimlariga qo’yiladigan umumiy talablar.
Ma’ruza – odatda oliy o’quvyurtida biror fan mazmunini og’zaki va ko’rgazmali bayon qilishga asoslangan o’quvmashg’uloti turi, jarayoni va metodi.
Masofaviy ta’lim – masofalararo radio, televidenie, kompyuter, internet vositalari asosidagi ta’lim jarayoni.
Maqsad – o’qitishdan ko’zda tutilgan natijalarga erishishni amalga oshiruvchi mo’ljal, aniq yo’nalishni belgilab beruvchi yetakchi g’oya. Ta’limiy maqsad – ta’lim oluvchilarni muayyan fanga oid tushuncha, bilim, ko’nikma va malakalar bilan qurollantirish, ularning ta’lim mazmunini o’zlashtirishi hamda amaliyotga tatbiq qila olishini ko’zda tutish. Tarbiyaviy maqsad – ta’lim oluvchilarning fan asoslarini o’zlashtirishi orqali ularda odob-axloq qoidalariga mos keladigan e’tiqod, axloqiy ko’nikma va malakalarni tarkib toptirish, mas’uliyat, maqsad, ideal, qiziqish, e’tiqod hamda dunyoqarashni shakllantirishni ko’zlash. Rivojlantiruvchi maqsad – o’qitishjarayoni ta’sirida ta’lim oluvchi shaxsini intellektual, irodaviy, emotsional va jismoniy jihatdan rivojlantirish, qiziqish, ehtiyoj, qobiliyat, mustaqil fikrlash va muloqot malakalarini shakllantirishni nazarda tutish.